Song

• Malayalam

  ഭയപ്പെടാതെ ഭാരങ്ങളാലെ 
  കലങ്ങാതെ തളരാതെ

  1 ആഴങ്ങളെ നീ കടന്നീടുമ്പോൾ 
  അലകൾ നിന്മേൽ ആഞ്ഞടിക്കുമ്പോൾ
  വഴിയിൽ വൈരികൾ പെരുകീടുമ്പോൾ 
  പൊഴിയും തൻ കൃപ മാറ്റമില്ലാതെ;-

  2 തായിന്നുദരത്തിലുരുവാകും മുന്നേ 
  പേയിന്നുലകത്തിൽ നീ വരും മുന്നേ 
  അൻപൊടോമനപ്പേർ ചൊല്ലിനിന്നെ 
  സ്വന്തമായവനാദരിച്ചില്ലേ;-

  3 കഴിഞ്ഞതൊന്നും നീ നിനയ്ക്കേണ്ടാ 
  വരുന്നതെന്തെന്നോർത്തിരിക്കേണ്ടാ 
  വരട്ടെയെന്തും ചഞ്ചലം വേണ്ടാ 
  ഭവിക്കുമെല്ലാം തൻ ഹിതംപോലെ;-

  4 ഒരിക്കലും കൈവെടിയുകയില്ലാ
  നരക്കുവോളം താൻ ചുമന്നീടും 
  മരിച്ചു മൺ മറയും വരെ നിന്നെ 
  നടത്തിടും ജയത്തോടവനെന്നും;-

  5 മണ്ണിൻ മായയിൽ നീ മയങ്ങാതെ 
  എന്നും ചാരുകതൻ തിരുമാർവ്വിൽ 
  കണ്ണിൻമണിപോൽ കാത്തിടും നിന്നെ 
  വിണ്ണിൻ മഹിമയിൽ ചേർത്തിടും പിന്നെ;-

• English

  bhayappedathe bharangalale
  kalangathe thalarathe

  1 aazhangale nee kadanneedumpol
  alakal ninmel aanjadikkumpol
  vazhiyil vairikal perukeedumpol
  pozhiyum than krupa maatamillaathe;-

  2 thaayinn udarathil uruvaakum munne 
  peyinnulakathil nee varum munne 
  anpodomanapper cholli ninne 
  svanthamaay’avanadari’chille;-

  3 kazhinjathonnum nee ninaykkenda 
  varunna thennn’orthirikkendaa 
  varatteyenthum chanjchalam vendaa 
  bhavikkumellaam than hithampole;-

  4 orikkalum kaivediyukayillaa
  narakkuvolam thaan chumanneedum 
  marichu man marayum vare ninne 
  nadathidum jayathodavan ennum;-

  5 mannin maayayil nee mayangaathe 
  ennum charuka than thirumaarvvil 
  kannin’manipol kaathidum ninne 
  vinnin mahimayil cherthidum pinne;-