Song

• Malayalam

  എന്നുള്ളം അറിയുന്ന നാഥാ
  എൻ മനസ്സിൽ പ്രിയനാണു നീ
  ദിനവും ഞാൻ പോകുന്ന വഴികൾ
  കണ്ടു നീ എന്നെ കരുതീടുന്നു

  പാടും ഞാൻ നിന്റെ ഗീതം
  ഘോഷിക്കും നിന്റെ വചനം
  പോകും ഞാൻ ദേശമെല്ലാം
  നിനക്കായ് സാക്ഷിയാകാൻ

  1 പോയകാലങ്ങളോർത്തില്ല ഞാനും 
  നിന്റെ സേവയ്ക്കുവേണ്ടുന്നതൊന്നും
  കണ്ണുനീർ പോലുമേകാൻ മറന്നു 
  പ്രാർത്ഥിപ്പാൻ പോലുമായില്ല നാഥാ
  എന്നിട്ടും മാപ്പു നൽകാൻ കനിവായ് നീ കർത്താവേ
  ഇനി ഞാൻ വൈകുകില്ല നിനക്കായ് സാക്ഷിയാകാൻ

  2 യാഗപീഠത്തിലെരിയുന്ന തീയിൽ
  അർപ്പണം ചെയ്ത മൃഗമായിതാ ഞാൻ
  യോഗ്യതയൊന്നും പറയാനില്ലെന്നിൽ
  പോകാം ഞാനെങ്കിലും നിന്റെ പേർക്കായ്;- പാടും...