Song

• Malayalam

  1 മരുഭൂവിന്നപ്പുറത്ത് കഷ്ടങ്ങൾക്കപ്പുറത്ത്
  കർത്താവൊരുക്കീടുന്ന നാടുണ്ട്
  ദുഃഖങ്ങൾ തീർന്നിട്ടു ഞാൻ എന്നെന്നും ആനന്ദിപ്പാൻ
  എൻ പ്രിയനൊരുക്കുന്ന നാടുണ്ട്;-

  2 കൈകളാൽ പണിയാത്ത ശാശ്വതമാം ഭവനം
  ആരാലും നട്ടീടാത്ത ഫലമേറും തോട്ടങ്ങളും
  ജീവജലത്തിൻ നദി ഒഴുകി ഒഴുകീടുന്ന
  നല്ലൊരു നാടെനിക്ക് മേലിലുണ്ട്;-

  3 കണ്ണുനീരല്പം പോലും ഇല്ലാത്തതാം ഭവനം
  ദുഃഖമോ മുറവിളി മരണമോ ഇല്ലവിടെ
  രാതിയില്ലാത്ത ദേശം നീതിസൂര്യൻ പ്രകാശിക്കും
  ശ്രേഷ്ഠനാടെനിക്ക് മേലിലുണ്ട്;-