Song

• Malayalam

  പ്രാണനാഥാ നിന്നെ ഞങ്ങൾ വന്ദിക്കുന്നിപ്പോൾ
  പാവനമാം നിൻ നാമത്തെ ഓർത്തുസാദരം

  1 നിത്യ ജീവൻ മർത്യർക്കായി ദാനം ചെയ്യുവാൻ
  മൃത്യുവിൻ ഭയങ്കരത നീ സഹിച്ചതാൽ;- പ്രാണ...

  2 നിൻ മരണത്താലഖില പാപവും പോക്കി
  നിന്നെ നിത്യം വാഴ്ത്തിടുവാൻ തന്നകൃപയ്ക്കായ്;- പ്രാണ...

  3 പാപത്തിനു ദാസന്മാരായ് ജീവിച്ചവരെ
  നിൻ രക്തത്താൽ വീണ്ടെടുത്ത സ്നേഹമോർത്തിതാ;- പ്രാണ...

  4 നിൻ പ്രയത്നത്തിൻ ഫലമാം നിൻ ദാസരിപ്പോൾ
  നിൻ കല്പനപോലെ നിന്നെയോർത്തു ഭക്തിയിൽ;- പ്രാണ...

  5 നിത്യതയിൽ നിൻമുഖത്തെ കാണും നേരത്തും
  നിത്യമാം നിൻ സ്നേഹമത്രെ സ്തോത്രസംഗീതം;- പ്രാണ...

  6 സർവ്വബഹുമാനം സ്തുതി സ്തോത്രം ശക്തിയും
  സർവ്വഥാ നിൻ നാമത്തിലർപ്പിച്ചു ഭക്തിയിൽ;- പ്രാണ...

  യേശുനാഥാ നിൻ കൃപയ്ക്കായ് : എന്നരീതി