Song

• Malayalam

  കാണുന്നു ഞാൻ യാഹിൽ 
  എനിക്കാശ്രയമായൊരു ശാശ്വതപാറ

   

  1 സുസ്ഥിര മാനസനേവനുമെൻ യാഹിൽ
  ആശ്രയം വയ്ക്കുകിൽ അനുദിനം നാഥൻ
  കാത്തിടുമവനെ നൽ സ്വസ്ഥതയോടെ
  പാർത്തിവനവൻ തിരുകരങ്ങളിലെന്നും;-

  2 കുന്നുകളകലും വൻ പർവ്വതനിരയും 
  തന്നിടം വിട്ടു പിന്മാറിയെന്നാലും
  നീങ്ങുകില്ലവൻ ദയ എന്നിൽ നിന്നതുപോൽ
  നിലനിൽക്കും സമാധാന നിയമവും നിത്യം;-

  3 ജ്വലിക്കിലുമവൻ കോപം ക്ഷണനേരം മാത്രം 
  നിലനിൽക്കും പ്രസാദമോ ജീവാന്ത്യത്തോളം
  വസിക്കിലും നിലവിളി രാവിലെൻകൂടെ 
  ഉദിക്കുമേ ഉഷസ്സതിൽ ആനന്ദഘോഷം;-

  4 ചെയ്‌വതില്ലവൻ നമ്മൾ പാപത്തിനൊത്തപോൽ 
  പ്രതിഫലമരുളുന്നില്ല കൃത്യങ്ങൾ ഗണിച്ചും
  വാനമീ ഭൂവിൽ നിന്നുയിർന്നിരിപ്പതുപോൽ
  പരൻ ദയ ഭക്തൻമേൽ വലിയതു തന്നെ;-

  5 ഒടിക്കുകില്ലവനേറ്റം ചതഞ്ഞതാം ഓട
  കെടുത്തുകില്ലവൻ തിരി പുക വമിക്കുകിലും
  നടത്തും തൻ വിധി ജയം ലഭിക്കും നാൾവരെയും
  തളരാതെ അവൻ ഭൂവിൽ സ്ഥാപിക്കും ന്യായം;-

  6 വഴുതിടാതവനെന്നെ കരങ്ങളിൽ കാത്തു
  നിർത്തും തൻമഹിമയിൻ സവിധത്തിൽ നാഥൻ
  കളങ്കമറ്റാനന്ദ പൂർണ്ണതയോടെ
  ഭവിക്കട്ടെ മഹത്വമങ്ങവനെന്നും ആമേൻ;-

• English

  Kanunnu njaan yahil 
  Enikashrayamayoru shashwatha paara

   

  1 Susthira-manasan evanumen yahil 
  Ashrayamveikukil anudinam nathan 
  Kathidumavane nal sosthathayode 
  Parthivanavan thiru karangalilennum 

  2 Kunnukal akalum van parvatha nirayum 
  thannidam vittu pinmari ennalum 
  neengukillavan daya ennil ninnathupol 
  nilanilkum samadhana niyamavum nithyam

  3 Jolikilumavan kopam kshena neram mathram 
  nilanilkum presadamo jeevandyatholam 
  vasikilum nilavili ravilen koode 
  udikume ushasathil aananda gosham;-

  4 Cheivathillavan nammal papathinothapol
  Prethibhalam arulunnilakruthyangal genichum 
  vanami bhoovil ninnuyarnniripp athupol 
  paran daya bhaktharmel valiyathu thane;-

  5 Odikukillavanettam chathanjatham oda 
  kedukukillavan thiri puka vamikukilum
  nadathum than vithi jayam labhikum nal vareyum 
  thalarathe avan bhoovil sthpikum niyayam;-

  6 Vazhuthedathavanenne karangalil kathu
  niruthum than mahimayil savidhathil nathan
  kalankamatt ananda poornnathayode
  bhavikatte mahathwam angavanennum amen;-