Song

• Malayalam

  പ്രാണപ്രിയ പ്രാണ നായകാ
  പരനെ എൻയേശു നായകാ
  പകർന്നീടുക നാഥാ നിൻ കൃപകളെ
  പാഴ്മരുവിൽ ജീവിച്ചിടുവാൻ

  1 തുടച്ചിടുന്നു എൻ കണ്ണുനീരെല്ലാം
  താങ്ങിടുന്നു തൻ തൃക്കരങ്ങളാൽ
  തോളതിൽ വഹിച്ചു എന്നും പ്രാണനായകൻ
  താങ്ങി നടത്തിടുന്നു മരുയാത്രയിൽ;-

  2 കൊതിച്ചിടുന്നു നാഥൻ മുഖം കാണുവാൻ
  കൊതിയോടെ വന്നിടുന്നു നിൻ സന്നിധേ
  കരുതിടുന്നവൻ എന്നെ കാക്കുന്നവൻ
  കരുണയിൻ കരങ്ങളിൽ വഹിച്ചിടുന്നവൻ;-

  3 നമിച്ചിടുന്നു കർത്തൻ സന്നിധിയിൽ
  നോവുകൾ വന്നിടും നേരമെല്ലാം
  നടത്തേണമേ നാഥാ നിൻ ശക്തിയാൽ
  നിത്യനാട്ടിൽ ഞാൻ വന്ന് ചേരുവോളവും;-