Song

• Malayalam

  1 വിശുദ്ധ സിംഹാസനത്തിന്റെ കീഴിൽ
  നിന്നു ഒഴുകുന്നൊരു മഹാനദി
  അതിൽ ഞാൻ നീന്തുവാൻ തുടങ്ങിയപ്പോൾ 
  ഹാ! എന്താനന്ദം എൻ ഉൾത്തടത്തിൽ

  2 ജീവജലനദിയിൽ യാനം ചെയ്ത
  നരിയാണിയോളം കിളർന്നു വെള്ളം
  അപ്പോഴും ഞാനാനന്ദിപ്പാൻ തുടങ്ങി
  എന്തൊരു സന്തോഷം എൻ ഹൃത്തടത്തിൽ

  3 മുട്ടോളം വെള്ളത്തിൽക്കൂടെ
  നടന്നു ശ്രതുവിൻ ശക്തിയേശാത്ത
  കൗതുകാൽ സ്തോത്രം സ്തുതികളിത്യാദി പാടീട്ട്
  നൃത്തം തുടങ്ങി ഞാൻ സ്വർഗ്ഗീയമോദത്താൽ

  4 അരയോളം വെള്ളത്തിൽ ചെന്ന് നേരം
  ആശ്ചര്യം കുറിക്കൊണ്ടങ്ങാർത്തുപാടി
  ആശ്വാസപദൻ എന്റെ ഉള്ളിൽ വന്നു
  ഹല്ലേലുയ്യാ പാടി ഞാനാർത്തവനെ

  5 നീന്തീട്ടല്ലാതെ കടപ്പാൻ വയ്യാത്ത
  ആത്മനദിയിലെന്റെ പ്രാണനാഥൻ
  സ്നാനപ്പെടുത്തിയെന്നെ അത്ഭുതമേ
  നിറഞ്ഞ സന്തോഷം ഉണ്ടായെനിക്ക്

  6 ആത്മസ്നാനം പ്രാപിക്കാത്ത പ്രിയരേ
  സന്താപം നീങ്ങി സന്തോഷം വേണമോ 
  വേഗം വന്ന് എണ്ണ നിറച്ചുകൊൾക
  അന്ത്യനാളായല്ലോ താമസം വേണ്ട