Song

• Malayalam

  കർത്തനെന്റെ സങ്കേതമായ്
  എന്നോടുകൂടെയുണ്ട്
  കാലമെല്ലാം കാത്തിടുവാൻ
  എന്നെ കരുതിടുവാൻ

  1 സന്താപനേരത്തും സന്തോഷിക്കും
  എന്താപത്തായാലുമെന്നാളിലും
  മാറാത്ത മിത്രം തൻ തീരാത്ത സ്നേഹത്തിൻ
  മാറിൽ ഞാൻ വിശ്രാമം നേടും;-

  2 ലോകം തരാത്തതാം സന്തോഷവും
  ശോകം കലരാത്തൊരാനന്ദവും
  കർത്താവിൽ നിത്യവും പ്രാപിച്ചു പാരിതിൽ
  പാർക്കുന്നതെത്രയോ ധന്യം;-

  3 മന്നിൽ സഹിക്കും ദുഃഖങ്ങളെല്ലാം
  നന്മയ്ക്കുമാത്രം ഭവിക്കുന്നതാൽ
  അല്ലും പകലും ഞാൻ തെല്ലും കലങ്ങാതെ
  ചെല്ലും എൻ വല്ലഭൻ പിൻപേ;-