Song

• Malayalam

  വിനയമുള്ളോരു ഹൃദയമെന്നിൽ
  മെനഞ്ഞിടേണമേ ദൈവമേ
  അനുദിനം തവ ഭാവമെന്നിൽ,
  വിളങ്ങിടാൻ കൃപയേകിടൂ

  ദിനം ദിനം ഞാൻ ദൈവമേ,
  മറന്നു പോയ് നിൻ ദാനങ്ങൾ
  സ്വാശ്രയത്തിൽ നിഗളിയായ്
  സ്നേഹവാനേ ക്ഷമിക്കണേ

  1 നിഗളമെൻ നയനങ്ങൾ മൂടി, 
  ഇരുളിലാക്കിയെൻ ജീവിതം
  കോപമെൻ അധരങ്ങൾ മൂടി
  പരുഷമാക്കിയെൻ മൊഴികളെ;- ദിനം ദിനം…

  2 അന്യരിൽ ഞാൻ നന്മ കാണാൻ, 
  തുറന്ന മനസ്സെനിക്കേകുക
  എന്നിലെ ഇല്ലായ്മ കാണാൻ
  ആത്മദർശനം ഏകുക;- ദിനം ദിനം…

  3 താഴ്ചയും സൗമ്യതയുമെന്നിൽ,
   അനുദിനം വളർന്നീടുവാൻ
  താവകാത്മാവെന്റെയുള്ളിൽ
  വാണിടേണം നിത്യമായ്;- ദിനം ദിനം…