Song

• Malayalam

  വീണ്ടെടുപ്പിൻ നാളടുത്തുപോയ് ദൈവജനമേ
  ക്ഷീണിക്കാതെ വേല ചെയ്തിടാം 
  വിണ്ണിൻ നാഥൻ വന്നിടാറായ് ഖിന്നതകൾ തീർന്നിടാറായ് 
  വീട്ടിലെത്തി വിശ്രമിപ്പാൻ കാലമിതാ സമീപമായ് 

  1 അത്തിവൃക്ഷം തളിർത്തതിനാൽ വേനലടുത്തു 
  എന്നു നമ്മളറിയുന്നഹോ! ആർത്തിയോടെ പ്രവർത്തിക്കാം
  രാത്രികാലം വരും മുമ്പേ പൂർത്തിയാക്കാം നല്ലപോലെ
  നല്ല നാഥൻ വേല നമ്മൾ

  2 ഇന്നു നമ്മൾ മിണ്ടാതിരുന്നാൽ നാഥന്റെ വേല
  ഒന്നുപോലും ചെയ്യാതിരുന്നാൽ വന്നു നാഥൻ നമ്മെ ചേർത്തു
  പ്രതിഫലം തന്നിടുമ്പോൾ ഒന്നുമില്ല പ്രയോജനം
  അന്നിരുന്നു കരഞ്ഞിട്ട്

  3 അന്ധകാരമായ ഭൂവിതിൽ ഈ ലോകജനം
   ബന്ധിതരും അന്ധരുമല്ലോ 
  രക്ഷകനാം യേശുവെ നാം സന്തതം വെളിപ്പെടുത്താം
  അക്ഷണത്തിലഴിഞ്ഞു പോം ബന്ധനവും അന്ധതയും

  വീണ്ടെടുക്കപ്പെട്ട കൂട്ടമേ : എന്ന രീതി