Song

• Malayalam

  1 യേശുവെ എന്നുടെ ജീവിത നാളെല്ലാം
  നീയെനിക്കാശ്രയമെ
  നിൻ ഹിതം ഞാനെന്നും ചെയ്തിടുവാനായ്
  എൻ ഹിതം മറ്റുമായ് സമർപ്പിക്കുന്നേ

  ഞാനല്ല, ഞാനല്ല, ഇനി ജീവിക്കുന്നതു ഞാനല്ല
  ഞാനല്ല ഇനി ഞാനല്ല, യേശുവത്രേ എന്നിൽ ജീവിക്കുന്നു

  2 നിന്നോടു ക്രൂശിക്കപ്പെട്ടവനായ് ഞാൻ
  നിനക്കായ് ജീവിക്കുന്നു
  എന്നിഷ്ടം ചെയ്യുവാൻ ആവതില്ലെനിക്ക്
  വല്ലഭനെന്നിൽ ജീവിപ്പതാൽ;- ഞാനല്ല... 

  3 ലോക സൗഭാഗ്യങ്ങൾ ചേതമെന്നെണ്ണുന്നേ
  നീയെന്റെ അവകാശമെ
  നിൻ നാമം നിമിത്തം സഹിക്കുന്ന പാടുകൾ
  സകലവും നന്മയ്ക്കായ് മാറിടുന്നു;- ഞാനല്ല...