Aare njaniniyaykkendu aaru namukkay lyrics

ആരെ ഞാനിനിയയ്ക്കേണ്ടു? ആരു നമുക്കായ് പോയിടും
കർത്താവിന്റെ ചോദ്യം കേട്ടുത്തരമടിയൻ പറയുന്നു 
ആരേ ഞാനിനിയയ്ക്കേണ്ടു? നിന്നടിയൻ ഞാനടിയാനെ
നീ അയയ്ക്കേണമേ

1 കാടുകളെ പല നാടുകളോ വീടുകളോ തെരുവീഥികളോ 
പാടുപെടാം ഞാനെവിടെയും നീ കൂടെവന്നാൽ മതി, പോകാം ഞാൻ

2 കോടാകോടികളുണ്ടല്ലോ ക്രിസ്തുവിൻ നാമം കേൾക്കാത്തോർ 
തേടാനാളില്ലാത്തവരെ നേടാൻ പോകാം ഞാനുടനെ 

3 പോകാൻ കാലിനു ബലമായും പറയാൻ നാവിനു വാക്കായും 
വഴികാട്ടുന്ന വിളക്കായും വരുമല്ലോ നീ പോകാം ഞാൻ 

4 നാളുകളെല്ലാം തീരുമ്പോൾ നിത്യതയുദയം ചെയ്യുമ്പോൾ 
വേലകൾ ശോധന നീ ചെയ്കേ വെറുകൈയോടു ഞാൻ നിൽക്കല്ലേ