Song

• Malayalam

  
  1 എന്നെ സ്നേഹിച്ച യേശുവേ
  നിൻ പ്രാണൻ എനിക്കായ് നൽകി(2)
  ഞാൻ നിന്നെ തേടിയതല്ല
  നീ എന്നെ തേടിവന്നു(2)

  യേശുവേ... നീ നല്ലവൻ
  യേശുവേ... നീ സ്നേഹവാൻ
  യേശുവേ... നീ എൻ ദൈവം
  യേശുവേ... എന്നിൽ വാഴണേ

  2 കുശവൻ കൈയ്യിൽ കളിമൺപോൽ
  നിൻ മുമ്പിൽ ഞാനിതാ തന്നീടുന്നു
  മാനപാത്രമായ് പണികയെന്നെ
  നിൻ കൃപ ദിനം തോറും നിറഞ്ഞിടുവാൻ;-

  3 നല്ലൊലിവോടെന്നെ ചേർത്തു നീ
  നൽ ഫലങ്ങൾ കായിപ്പാൻ
  നിന്നോട് ചേർന്നു ജീവിപ്പാൻ
  നിന്നോട് ചേർന്നു വാഴുവാൻ;-

  4 ഇരുളിൽ വെളിച്ചമായ് മാറുവാൻ
  മാറയിൽ മധുരം പകരുവാൻ
  മഴപോലെ നിൻ കൃപ പെയ്യട്ടേ
  നിൻ മഹത്വം എന്നിൽ നിറഞ്ഞിടട്ടെ;-