Song

• Malayalam

  വരുവിൻ നാം യഹോവയെ വാഴ്ത്തി
  നാം രക്ഷയിൻ പാറയിൽ ആർക്കാം
  തിരുസന്നിധൗ ആനന്ദമോടെ
  ഘോഷിക്കുക കീർത്തനങ്ങൾ
  പാടാം പാടാം പാടാം പാരിതിൽ നാം

  1  യഹോവ മഹാ ദൈവമല്ലോ
  സർവ്വ ദേവന്മാരിലുമതി ശ്രേഷ്ഠൻ
  സർവ്വ ഭൂമിയുമവൻ സൃഷ്ടിയല്ലോ
  സർവ്വേശനെ വാഴ്ത്തിടാം;- വരു…

  2 വരുവിൻ വണങ്ങി നമസ്കരിക്കാം
  വന്നു കുമ്പിടുക അവൻ മുമ്പിൽ
  ഇതു രക്ഷയിൻ സുദിനമതല്ലോ
  സുവിശേഷത്തിൻ മഹൽ ദിനമേ;- വരു...

  3 കർത്തൻ ശബ്ദം നീ ശ്രവിച്ചീടുന്നെങ്കിൽ
  മെരീബാ മസ്സാ നാൾ പോലെയിന്നു
  കഠിനപ്പെടുത്താതെ നിൻ ഹൃദയം
  തുറന്നീടുക നിറവിനായ്;- വരു...