Song

• Malayalam

  വിശ്വസിക്കാം ആശ്രയിക്കാം
  എൻരക്ഷകനെന്നും മാറാത്തവൻ 
  വിശ്രമിക്കാം ആശ്വസിക്കാം ആ 
  സ്നേഹമാർവ്വതിൽ എന്നുമെന്നും

  1 പാപമാം ചേറ്റിൽ നിന്നെന്നെയേറ്റാൻ 
  പാരിതിൽ മർത്യനായ് വന്നവനാം 
  ജീവനും ക്രൂശതിൽ തന്നെന്നെ 
  രക്ഷിച്ച പ്രിയനാം യേശുവിൽ 

  2 ഉറ്റോരും പെറ്റോരും കൈവിട്ടാലും 
  ഊറ്റമാം ക്ലേശങ്ങൾ നേരിട്ടാലും 
  ഏറ്റം പ്രിയമോടെ മാറോടു 
  ചേർത്തെന്നെ മുറ്റും സ്നേഹിപ്പോനിൽ

  3 വാനവും ഭൂമിയും മാറിയാലും 
  എൻനാഥൻ ഒട്ടുമേ മാറുകില്ല 
  വാനവിതാനത്തിൽ വൈകാതെ
  വന്നെന്നെ തന്നോടു ചേർത്തിടും