Song

• Malayalam

  ആരാധ്യനേ ആരാധ്യനേ
  ആരാധിക്കുന്നിതാ ഞങ്ങൾ
  ആത്മാവിലും സത്യത്തിലും
  ആരാധിക്കുന്നിതാ ഞങ്ങൾ

  1 ചെങ്കടൽ രണ്ടായി പിളർന്നവനേ
  മാറാ മധുരമായി തീർത്തവനേ
  യെരിഹോ മതിലു തകർത്തവനേ
  യോർദ്ധാൻ ചിറപോൽ നിർത്തിയോനേ
  യാഹാം ദൈവമെന്നാരാധ്യനേ;- ആരാധ്യനേ

  2 ഇടയനെ രാജാവായ് തീർത്തവനേ
  കാക്കയാൽ ആഹാരം നൽകിയോനേ
  കർമ്മേലിൽ അഗ്നിയായ് ഇറങ്ങിയോനേ
  ഭക്തൻ തൻ പ്രാർത്ഥന കേട്ടവനേ
  യാഹാം ദൈവമെന്നാരാധ്യനേ;- ആരാധ്യനേ

  3 മനുഷ്യനായ് ഭൂവിതിൽ വന്നവനേ
  യോർദ്ധാനിൽ സ്നാനം കഴിഞ്ഞവനേ
  വചനമാം ഭക്ഷണം ഏകിയോനേ
  രോഗികൾക്കാശ്വാസം നൽകിയോനേ
  ക്രിസ്തുവാം ദൈവമെന്നാരാധ്യനേ;- ആരാധ്യനേ

  4 പാപങ്ങളെല്ലാം ഏറ്റവനേ
  പാതാള ഗോപുരം ജയിച്ചവനേ
  പത്മോസിൽ തേജസ്സിൽ വന്നവനേ
  നിത്യമാം ജീവന്റെ ഉറവിടമേ
  യേശുവാം ദൈവമെന്നാരാധ്യനേ;- ആരാധ്യനേ