Song

• Malayalam

  സ്തുതിച്ചിടുന്നേ ഞാൻ സ്തുതിച്ചിടുന്നേ
  പരമപിതാവിനെ സ്തുതിച്ചിടുന്നേ
  അവനെന്റെ ബലമുള്ള സങ്കേതമെ
  എന്റെ ആശാനികതമെ

  1 അവനെന്റെ പ്രാണനെ മരണത്തിൽ നിന്നും
  എന്റെ കണ്ണിനെ കണ്ണീരിൽ നിന്നും
  അവനെന്റെ കാലിനെ വീഴ്ചയിൽ നിന്നും
  വിടുവിച്ചതോർത്തുള്ളം സ്തുതിച്ചിടുന്നേ;-

  2 ജീവന്റെ വഴിയിൽ ഞാൻ നടക്കുന്നു അതിനായി
  ജീവന്റെ വചനങ്ങൾ അവനെനിക്കേകി
  അവയിലെൻ ഗമനത്തെ സ്ഥിരമാക്കിയതിനാൽ
  അകമഴിഞ്ഞാത്മാവിൽ സ്തുതിച്ചിടുന്നേ;-

  3 യഹോവയിൻ ആലയത്തിൻ പ്രാകാരങ്ങളിലും
  യെറുശലേമിൻ നടുവിലും നിന്ന്
  യഹോവയ് ക്കെൻ നേർച്ചകൾ സകലരും കാൺകെ
  ഉയർത്തും ഞാനവനെ സ്തുതിച്ചിടുന്നേ;-