Sthuthi dhanam mahima lyrics

‘Ithuvareyenne karuthiya’ enna reethi
Sthuthi dhanam mahima sakalavum ninakke
Sthuthikalil vasikkum parishudha’parane

Surapuriyil nin janakan thannarikil
Parichodullasichu vasichirunnavan nee
Narakula vinakal pariharichiduvaan
Dharaniyil naranaay avatharichavan nee;-

Ulakithilithupol malinatha lesham
Kalaraathoruvane kaanmathillanisham
Athigunamiyalum ramaniyanaam nin
Pada’thalirinakal vanangi njan sthuthikkum;-

Adimudi muzhuvan murivukalettu
Kadinyamam vyadayaal thakarnnu nin hrudayam
Ninamellaam chorinjen kalushathayakatti
Nithamithu manassil ninachu njaan sthuthikkum;-

Girimukalil van kurishil vechurakke
Karanju ninnuyir nee vedinjuvennaalum
Maranathe jayichu uyirthezhunnettu
Paramathil vaazhum paramarakshakan nee;-

Paramathilumee dharayithilum nin
Parishudha naamam parama’pradhanam
Akhilarum vanangum thava thirumumbil
Adipaniyunnu vinayamodadiyan;-

 Ithuvareyenne karuthiya : enna reethi

സ്തുതി ധനം മഹിമ സകലവും നിനക്കേ 
സ്തുതികളിൽ വസിക്കും പരിശുദ്ധപരനേ

1 സുരപുരിയിൽ നിൻ ജനകൻ തന്നരികിൽ 
പരിചൊടുല്ലസിച്ചു വസിച്ചിരുന്നവൻ നീ 
നരകുല വിനകൾ പരിഹരിച്ചിടുവാൻ 
ധരണിയിൽ നരനായ് അവതരിച്ചവൻ നീ

2 ഉലകിതിലിതുപോൽ മലിനത ലേശം 
കലരാതൊരുവനെ കാൺമതില്ലനിശം 
അതിഗുണമിയലും  രമണീയനാം നിൻ
പദതളിരിണകൾ വണങ്ങി ഞാൻ സ്തുതിക്കും

3 അടിമുടി മുഴുവൻ മുറിവുകളേറ്റു 
കഠിനമാം വ്യഥയാൽ തകർന്നു നിൻ ഹൃദയം 
നിണമെല്ലാം ചൊരിഞ്ഞെൻ കലുഷതയകറ്റി 
നിതമിതു മനസ്സിൽ നിനച്ചു ഞാൻ സ്തുതിക്കും

4 ഗിരിമുകളിൽ വൻ കുരിശിൽ വച്ചുറക്കെ 
കരഞ്ഞു നിന്നുയിർ നീ വെടിഞ്ഞുവെന്നാലും 
മരണത്തെ ജയിച്ചു, ഉയിർത്തെഴുന്നേറ്റു
പരമതിൽ വാഴും പരമരക്ഷകൻ നീ

5 പരമതിലുമീ ധരയിതിലും നിൻ 
പരിശുദ്ധനാമം പരമപ്രധാനം 
അഖിലരും വണങ്ങും തവ തിരുമുമ്പിൽ 
അടിപണിയുന്നു വിനയമോടടിയൻ

ഇതുവരെയെന്നെ കരുതിയ : എന്ന രീതി