Song

• Malayalam

  എന്തോ നീ തിരഞ്ഞു വന്നീ വൻ പാപിയുള്ളിൽ
  എന്തോ നീ തിരിഞ്ഞുവന്നു

  1 എന്താ നിൻ തിരുപ്പാദ-ച്ചെന്താർകളാണിപ്പെട്ടി-
  ട്ടന്തമില്ലാത്ത രക്തം ചിന്തിക്കീരൊഴുകുന്നു;- എന്തോ...

  2 ദുഷ്ടവഴിക്കു ഞങ്ങളി-ഇഷ്ടംപോൽ നടന്നു നിൻ
  ശിഷ്ഠപാദങ്ങൾക്കാണി കഷ്ടമേ തറച്ചല്ലോ;- എന്തോ...

  3 കല്ലിന്മേൽ വീണു നിന്റെ പുലരി മുട്ടും പോട്ടി
  വല്ലാതെ മുറിപ്പെട്ടി-ട്ടെല്ലുകൾ വെളിപ്പെട്ടു;- എന്തോ...

  4 വെള്ളപൂന്തുടകളിൽ കൊള്ളിച്ചൊരടികളാൽ
  തുള്ളിപ്പോയ്-തോലും മാംസമെള്ളൊളമിടിയില്ലാ;- എന്തോ...

  5 മുട്ടാടിൻ തോലുരിഞ്ഞു വിട്ടോണം നിന്റെ നെഞ്ചിൻ
  കൊട്ടയും തോലുരിയ-പ്പെട്ടപോൽ കാണുന്നല്ലോ;- എന്തോ...

  6 പക്ഷം നിറഞ്ഞ നിന്റെ വക്ഷസും ഞങ്ങൾ പാപ-
  ശിക്ഷയ്ക്കായ് തുറന്നിട്ടും പക്ഷത്തെ കാട്ടുന്നല്ലോ;- എന്തോ...

  7 ദന്തം കടഞ്ഞപോലെ ചന്തം തുളുമ്പും കൈകൾ
  കുന്തം പോലാണിയേറ്റു ചിന്തുന്നു രക്തമേറ്റം;- എന്തോ...

  8 കൈകണക്കില്ലാതെ ഞാൻ ചെയ്ത പാപങ്ങൾ നിന്റെ
  കൈകളെ കുരിശിന്മേൽ-അയ്യോ തറച്ചീവണ്ണം;- എന്തോ...

  9 കുണ്ഠിതം ചങ്കിനേകും കണ്ഠവും ദുഷ്ടർക്കുള്ള
  കണ്ഠകനഖങ്ങളെ കൊണ്ടറ്റം മുറിവേറ്റു;- എന്തോ...

  10 വാനവർ കണ്ണിന്നേറ്റമാനന്ദമേറും നിന്റെ
  ആനനമടികളാൽ താനേ നിലച്ചുവീങ്ങി;- എന്തോ...

  11 മണ്ണിൽ തുപ്പിക്കുരുടർ കണ്ണുകൾ തെളിച്ച-നിൻ
  കണ്ണിലും തുപ്പി യൂദർ ദണ്ഡിപ്പിച്ചേറ്റം നിന്നെ;- എന്തോ...

  12 കുപ്പയെപ്പോലെ നീചർ  തുപ്പലാൽ നനച്ചു നിൻ
  ഒപ്പമില്ലാത്ത മുഖ-മിപ്പോളീഭാഷയാക്കി;- എന്തോ...

  13 താബോർ മലമേൽ സൂര്യ-വാവുപോൽ കണ്ടമുഖം
  ഭാവം പകർന്നു മങ്ങിച്ചാവിന്റെ രൂപമായി;- എന്തോ...

  14 മുള്ളിൻമുടി നിൻ തലയ്ക്കുള്ളിൽ നിന്നൊഴുക്കീടും
  വെള്ളം പോൽ വരും രക്തം ഉള്ളം തകർക്കുന്നയ്യോ;- എന്തോ...

  15 മോഹത്തിൽ ഞങ്ങൾക്കുള്ള ദാഹത്തെ നീക്കാൻ നിന്റെ
  ദേഹത്തെ ബലിയാക്കി സ്നേഹത്തെക്കാട്ടിക്കൊണ്ടു;- എന്തോ...

  16 സ്വർലോകമേട്ടിൽ നിന്റെ നല്ലോരാട്ടിൻകൂട്ടത്തെ
  എല്ലാം വിട്ടീ-ദുഃഖാബ്ധിക്കല്ലോല കൂട്ടിൽ വന്നു;- എന്തോ...

  17 പൊയ്പോയോരാടാമെന്ന ഇപ്പോലെ തേടിക്കണ്ടു
  കെൽപ്പോടെ-തോളിലേറ്റി മേല്പോട്ടുയർത്തിടാനോ;- എന്തോ...

  18 അപ്പാ! നീ തന്ന ദ്രവ്യമെപ്പേരും നശിപ്പിച്ചു
  പിൽപാടുവലഞ്ഞറ്റ-മിപ്പോൾ നിൻ കാലക്കൽ വന്നേൻ;- എന്തോ...

  19 പുത്രനെന്നുള്ള പേരിനെത്രയുമയോഗ്യൻ ഞാൻ
  വസ്ത്രവും കീറി-നാറി അത്രവന്നടിമയായ്;- എന്തോ...

  20 മണ്ണിന്റെ മാലകറ്റാൻ വിണ്ണിൻ സൗഭാഗ്യമേകാൻ
  മർത്യനായ് മണ്ണിൽ വന്ന രാജാധിരാജനീശോ;- എന്തോ...

  21 കൂട്ടം വിട്ടോടിയതാം കുഞ്ഞാടിനെ-തേടി
  കാടുകൾ തോറും അലഞ്ഞീടുന്ന നല്ലിടയാ;-

  22 കാണാതെപോയതന്റെ ആടിനെ കണ്ടിടുമ്പോൾ
  മാറോടുചേർത്തണിച്ചിട്ടോമനിക്കും സ്നേഹമല്ലോ;-

  23 കാനായിലെ വിരുന്നിൽ കൽഭരണി-തന്നിലെ
  വെള്ളത്തെ വീര്യമേറും വീഞ്ഞാക്കി യേശുദേവൻ

  24 വിശ്വാസമോടെ തന്റെ വസ്ത്രാഞ്ചലത്തിൽ തൊട്ട്
  നാരിക്കു സൗഖ്യമേകി കാരുണ്യരൂപനീശോ

  25 ആട്ടിക്കളയാതെതന്നെ കൂട്ടണം നിന്റെ ദാസർ
  കൂട്ടത്തിന്മേലും മേവാൻ കാട്ടേണം കൃപയെന്നിൽ;-

  26 നിത്യപിതാവിനും തൻ സത്യസൂനോ നിനക്കും
  സ്തുത്യനാം റൂഹായിക്കും നിത്യവും സ്തുതിസ്തോത്രം;- എന്തോ

   

• English

  entho nee thiranju vannee van paapiyullil
  entho nee thiranju vann

  1 entha nin thiru paada chenthaarkalaanippetti-
  ttanthamillatha raktham chinthikeerozhukunnu

  2 dushta vazhikku njangalishtamppol nadannu nin
  shishtapaadangalkkaanee kashtame tharachallo

  3 kallinmel veenu ninte pulloori muttumpotti
  vallathe muripetti-ttellukal velipettu

  4 vellapoonthudakalil kollichoradikalaal
  thullippoy tholum maamsamellolamidiyiila

  5 muttaadin tholurinju vittonam ninte nenjin
  kottayum tholuriyapettappol kaanunnallo

  6 paksham niranja ninte vakshassum njangal paapa
  shikshakkaay thurannittum pakshaththe kaattunallo

  7 datham kadanjapole chantham thulumbum kaikal
  kuntham polaaniyettu chinthunnu rakthamettam

  8 kaikkanakkillathe njan cheytha paapangal ninte
  kaikale kurishinmel ayyo tharacheevannam

  9 kunditham changkinekum kandavum dushtarkkulla
  kandaka-naghangale kondettam murivettu;-

  10 vaanavar kanninetta-maanandamerum ninte
  aananamadikalal thane nilachuvengki;-

  11 mannil thuppikkurudar kannukal thelicha-nin
  kannilum thuppi yudar danddhippichettam nine;-

  12 kuppayeppole neechar thuppalal nanachu nin
  oppamillathe mukha-mippoleebhashayaaki;-

  13 thabor malamel surya vavupol kandamukham
  bhavam pakarnnu mangichaavinte rupamaayi;-

  14 mullinmudi nin thalakkullill ninnozhukkedum
  vellam pol varum raktham ullam tharkkunayyo;-

  15 mohathil njangalkkulla dahatthe nekkaan ninte
  dehathe baliyaakki snehatthekkattikondu;- 

  16 swarlokamettil ninte nalloraattinkuttathe
  ellam vetti-dukhabhadhikkallola kuttilvannu;-

  17 poypoyoradamenne ippole thedikkandu
  kelppode-tholilletti melpottuyarthidano;-

  18 appa nee thanna dravya-mepporum nashippichu
  Pilpaaduvalanjetta-mippol nin kaalkkal vannen;-

  19 puthranennulla perinethrayumeyogyan njaan
  vasthravum keeri-naari athravannadimayay;-

  20 manninte maalakataan vinnin saubhagyamekaan
  Marthyanay mannil vanna raajadhirajaneesho;-

  21 kuttam vittodiyathaam kunjnjadinethedi
  kaadukal thorrum alanjeedunna nallidayaa;-

  22 kaanathepoyathante aadine kandidumpol
  maroducherthanichittomanikkum snehamallo;-

  23 kaanaayile virunnil kalbharani-thannile
  vellathe veryamerum veenjaakki yeshudevan;-

  24 vishvasamode thante vasthraanjchalathil thotte
  naarikku saukhyameki kaarunyarupaneesho;-

  25 aattikkalayathe thanne kuttanam ninte daasar
  kuttathinmelum mevan kaattenam kripayennil;-

  26 nithyapithavinum than sathyasoono ninakkum
  sthuthyanaam ruhayikkum nithyavum sthuthisthothram;-