Song

• Malayalam

  പരനേ നിൻ കൃപയാൽ എൻ ജീവിതം 
  ഏറ്റം ശ്രേഷ്ഠം ഇഹത്തിലെന്നും 
  അങ്ങേ മാത്രം സേവിച്ചെന്നെന്നും
  ക്രൂശിൽ നോക്കി യാത്ര ചെയ്യും ഞാൻ

  1 എൻ തുമ്പ വേളയിൽ നിൻ പൊൻകരം 
  എന്നിൽ ആശ്വാസമേകീടുമ്പോൾ 
  നിൻ മാർവ്വിൽ ചാരുമ്പോൾ എൻ ദുഃഖം മായുന്നു
  മിഴികൾ നിറഞ്ഞീടുന്നു

  2 ഈ ലോകം നൽകിടും സൗഭാഗ്യങ്ങൾ 
  എന്നിൽ അശാന്തിയേകീടുമ്പോൾ 
  എൻ പ്രിയൻ നൽകീടും ആനന്ദം ഓർക്കുമ്പോൾ 
  എന്നുള്ളം തുടിച്ചീടുന്നെ

  3 എൻ നാഥൻ നൽകിടും നൽവരങ്ങൾ 
  എന്റെ ജീവിതം മാറ്റിടുമ്പോൾ
  സ്വർഗീയ രാജന്റെ കൂടൊന്നു ചേരാനായി
  എന്നെ ഞാൻ അർപ്പിക്കുന്നെ