Song

• Malayalam

  എന്റെ  ആശ യേശു മാത്രമാം
  എന്നാശ്വാസം യേശു മാത്രമാം
  വിൺ മഹിമ വിട്ടൊഴിഞ്ഞിഹത്തിൽ വന്ന
  എന്റെ യേശു മാത്രമാശയാം

  1 ഭാരം ദുഃഖം നിന്ദ ദുഷി
  ഏറിവന്നാൽ സാരമില്ല
  യേശു എന്റെ  പക്ഷമുണ്ട്
  ആശ്വാസം ഞാൻ പ്രാപിച്ചീടും;- എന്റെ

  2 കർത്തനെന്റെ ഉപനിധി
  അവനിൽ ഞാൻ വിശ്വസിക്കും
  അന്ത്യത്തോളം കാത്തിടുവാൻ  
  യേശു ശക്തൻ ഉറക്കും ഞാൻ;- എന്റെ

  3 വീഴാതെന്നേ സൂക്ഷിക്കുന്നോൻ
  ആനന്ദത്താൽ നിറയ്ക്കുന്നോൻ
  ശുദ്ധി ചെയ്തു മഹിമയിൻ
  സന്നിധിയിൽ നിറുത്തുന്നോൻ;- എന്റെ