Song

• Malayalam

  യേശുവേ നിൻ മുഖം കാണുവാനായ്
  ആശയായ് നിൻ സന്നിധേ ഞാൻ വരുന്നു
  ആശു നിൻ ദർശനം അരുളണമേ
  ഈ പാർത്തലെ ഞാൻ ധന്യനായ് തീർന്നീടുവാൻ

  1 ആശയും നീയെൻ പ്രത്യാശയും നീയേ
  ആത്മനാഥാ എന്നെ കൈവിടല്ലേ നീ
  പാപം പൊറുക്കും പരമോന്നതാ നീയെൻ(2)
  പ്രാർത്ഥന കേട്ടെന്നെ സ്വീകരിക്കു;-

  2 കണ്ണുനീർ താഴ്വരയതിലും നാഥാ
  അലയുന്നു ഞാൻ ഈ മരുവിൻ ചൂടിലും
  അരുളണമേ നിൻ ആശ്വാസവചനങ്ങൾ
  അടിയനീ ഊഴിയിൽ അഭയമല്ലോ;-

  3 കഷ്ടം പ്രയാസങ്ങൾ ഏറിടും നേരം
  അണയുന്നു ഞാൻ നിൻ പാദപീഠത്തിൽ
  പാപിയാം എന്നുടെ രോഗ ദുഃഖങ്ങൾ
  ഇന്നിതാ നിൻ മുമ്പിൽ അർപ്പിക്കുന്നു;-