Song

• Malayalam

  1 ദൈവമേ അങ്ങേ സന്നിധേ ഞങ്ങൾ
  വന്നണയുന്നീ യാമത്തിൽ
  തൃക്കൺ പാർക്കണേ കൃപയേകണേ
  ആശിഷം നൽകീടേണമേ

  തവനാമം ഞങ്ങൾക്കാമോദം നിയതം
  അരുൾവരദാ കൃപ ചൊരിയൂ നീ
  തിരുശക്തി ഞങ്ങൾക്കരുളേണം ഇന്നീ
  മംഗളയോഗവേളയിൽ(2)

  1 കന്മഷഹേതു സർവതുമെങ്ങൾ
  വിട്ടൊഴിഞ്ഞിഹൈ മേവുവാൻ
  കർമ്മ മണ്ഡലം ശോഭിതമാക്കി
  പൂർണമാക്കുക നിൻ ഹിതം(2);- തവനാമം…

  2 അങ്ങേയെന്നുള്ളിൽ സ്വീകരിക്കാത്ത
  നാൾകളോർക്കുകിൽ ദാരുണം
  സ്നേഹസാഗരമേ മാർഗ്ഗദീപമേ
  ഞങ്ങളിൽ നിത്യം വാഴണേ(2);- തവനാമം…

  3 ഞാൻ കുറഞ്ഞു നിൻ നാമമേറണം
  ഈ ദിവ്യ ചിന്ത നൽകണം
  അന്ത്യത്തോളവും നിൻ മഹത്വത്തിൽ
  ഞാൻ മുഴുകണമെൻ പ്രഭോ(2);- തവനാമം…