Song

• Malayalam

  ആനന്ദിച്ചാർത്തിടും ഞാൻ
  പുതുഗീതങ്ങൾ പാടിടും ഞാൻ
  ചെയ്ത വൻ കൃപകൾക്കായി
  അനുദിനം സ്തുതിച്ചീടും ഞാൻ

  1 കണ്മണി പോലെന്നെ കാത്തിടും കർത്തൻ തൻ
  കരുണകളോർത്തു ഞാൻ പാടിടുമെ(2)
  ആപത്തനർത്ഥങ്ങളനവധിയിൽ നിന്നും
  അനുദിനമവനെന്നെ വിടുവിക്കുമെ;-

  2 ഭാരങ്ങൾ ദുഃഖങ്ങൾ നീക്കിടും കർത്തൻ തൻ
  വാത്സല്യമോർത്തു ഞാൻ പാടിടുമേ(2)
  രോഗങ്ങൾ പീഡകൾ മാറ്റിടും കർത്തൻ തൻ
  സാന്നിദ്ധ്യമോർത്തു ഞാൻ വാഴ്ത്തിടുമെ;-

  3 മാലിന്യമേശാതെ പാലിക്കും കർത്തൻതൻ
  സ്നേഹത്തെയോർത്തു ഞാൻ പാടീടുമേ(2)
  രാജാധി രാജനാം കർത്തനെ കാണുവാൻ
  നാളുകളെണ്ണി ഞാൻ പാർത്തിടുമേ;-