Song

• Malayalam

  1 എന്റെ ശരീരത്തിൽ രോഗാണുക്കൾ വച്ച
  തെന്റെ ദൈവത്തിന്റെ വൻ കൃപയാ
  എന്റെ ദൈവം എന്നെ ശുദ്ധീകരിക്കുന്ന
  തന്റെ വഴികളഗോചരമെ

  2 ഭക്തികേടും ഈ പ്രപഞ്ച മോഹങ്ങളും
  വർജ്ജിച്ചു ഞാനീലോകത്തിൽ ദൈവ
  ഭക്തിയോടു ജീവിച്ചിടുവതിനെന്നെ
  ശക്തീകരിക്കുന്നീ ശിക്ഷകളാൽ

  3 ലോകത്തോടു കൂടെ ശിക്ഷാവിധിയിൽ ഞാ
  നാകാതിരിപ്പതിനായിട്ടു നീ
  ലോകത്തിൽ വച്ചുയീ ബാല ശിക്ഷയനി
  യ് ക്കേകുന്നിതെന്നുടെ നാകേശ്വരൻ;-

  4 യാതൊന്നു കൊണ്ടുമെൻ ചേതസ്സഹങ്കരി
  യ്ക്കാതെ വിനീതനായ് ജീവിയ്ക്കുവാൻ
  യാതന നൽകിയശൂലം ഇതാണെനി
  യ് ക്കേതോരു ദോഷവും വന്നീടുമൊ;-

  5 അപ്പൻ സുതർക്കു നൽകിടുന്ന ശിക്ഷയൊ
  ടൊപ്പിച്ചിതു ചിന്ത ചെയ്തിടുമാം
  ഇപ്പാരിൽ വച്ചെന്റെ സ്വർഗ്ഗസ്ഥനായന- 
  ല്ലപ്പൻ ചെറുശിക്ഷ നല്കുന്നിതു;-

  6 ശസ്ത്രക്രിയയെനിയ്ക്കാവശ്യമാകയാൽ
  ഗാതം മുറിയ്ക്കുന്ന മാവെദ്യനാം
  കർത്താവു താൻ മുറിച്ചിടും മുറിവുക-
  ളെത്ര സുഭദമായ് കെട്ടുന്നു താൻ

  7 തേൻ ചേർത്ത ദോശയോടൊപ്പം രുചിയുള
  മന്ന ഭുജിച്ചൊരു സ്വന്ത ജനം
  സഞ്ചാരവേളയിൽ മാറായിലെ ജലം
  പാനം ചെയ്തീടുവാനാവശ്യമായ്;-

  8 ജീവിത കാര്യങ്ങൾ സർവ്വം ക്രമപ്പെടു
  ത്തീടുവതിനൊരു സന്ദേശമായ് 
  ദൈവം ഹെസക്കിയാവിന്നയച്ചുള്ളാരു
  ദിവ്യവിളബംരം ഓർക്കുന്നു ഞാൻ;-

  9 ദൈവമഹത്വത്തിന്നായും ചിലപ്പോഴെൻ
  ദൈവം സുഖക്കേടു നല്കാറുണ്ട്
  ഏവം വിധം സുഖക്കേടാണു ലാസരിൻ
  ജീവ ചരിത്രത്തിൽ കാണുന്നു ഞാൻ

  10 അപ്പോസ്തലനുടെ ശുശ്രൂഷകനുമാ
  ഫിലിപ്പ്യാസഭയിൻ ദൂതനുമാം
  എപ്പഫാദിത്തോസു ദീനത്തിലായെന്നു
  അപ്പോസ്തലനുര ചെയ്തിടുന്നു;- 

  11 കഷ്ടങ്ങൾ നഷ്ടങ്ങൾ ആകുന്നോരാഴിയിൽ
  പെട്ടു വലഞ്ഞാരു യോബിനുമാ- 
  കഷ്ടങ്ങൾ നീക്കി സന്തുഷ്ടിയിരട്ടിയായ്
  കാട്ടി ദൈവം അതിന്നോർക്കുന്നു ഞാൻ;-

  എന്റെ ദൈവം സ്വർഗ്ഗം : എന്ന രീതി