Song

• Malayalam

  ഹല്ലേലുയ്യാ ജയം ഹല്ലേലുയ്യാ
  ഹല്ലേലുയ്യാ ജയം ഹല്ലേലുയ്യാ

  1 ഇരുളതിൻ ഭയമോ പകലിൻ പോരാട്ടമോ
  ഒന്നും നിന്നെയൊരുനാളുമേശുകില്ല
  തകർത്തിടാൻ ശത്രു നിന്നെ ചുറ്റ‍ിവളയും
  നിന്നോടടുത്തിടാൻ ദൈവം സമ്മതിക്കുകയില്ല;- ഹല്ലേലുയ്യാ

  2 കെരീത്തു വറ്റിടട്ടെ സാരെഫാത്തും മാറട്ടെ
  ഏലിയാവിൻ ദൈവം നിന്നെപ്പോറ്റ‍ിപ്പുലർത്തും
  ചൂരച്ചെടിത്തണലിൽ ഉറങ്ങേൺടി വന്നാലും
  സ്വർഗ്ഗീയ ഭോജനവുമായ് തട്ടിയുണർത്തും;- ഹല്ലേലുയ്യാ

  3 സിംഹത്തിൻ കുഴിയിൽ നീ അകപ്പെട്ടെന്നാകിലും
  നിനക്കൊരു കേടും ഭവിക്കയില്ല
  സിംഹത്തിൻ വായടച്ചു നിൻ പ്രാണനെ രക്ഷിക്കും
  ലോകത്തിൻ മുമ്പിൽ നിന്നെ മാനിച്ചുയർത്തും;- ഹല്ലേലുയ്യാ

  4 ബാബേൽ തീച്ചൂളയിൽ നീ എറിയപ്പെട്ടാലും
  അവിടെയും നിൻ നാഥൻ ഇറങ്ങിവരും
  തീച്ചൂളയിൻ ശക്തിയോ ഏഴു മടങ്ങായാലും
  തീയിൻ ബലം കെടുത്തുന്നോൻ കൂടെയുണ്ടല്ലോ;- ഹല്ലേലുയ്യാ