Song

• Malayalam

  എന്തോരത്ഭുതമേ! കാൽവറി കുരിശതിൽ 
  എനിക്കായ് മരിച്ചെൻ രക്ഷകൻ

  1 മഹിമകൾ വെടിഞ്ഞൻപിലെൻ പേർക്കായ് 
  മരക്കുരിശതിൽ കാൽകരം വിരിച്ചോ! 
  മരണംവരെ മറുക്കാതെയെൻ 
  മഹാപാതകമവൻ ചുമന്നൊഴിച്ചുവെന്നോ!

  2 ഉലകം മുഴുവൻ ഉളവാക്കി വാക്കാൽ 
  ഉയിർ നൽകിയതോ പാപിയെൻ പേർക്കായ് 
  ദൂതവൃന്ദങ്ങൾ സ്തുതിക്കുന്നവൻ 
  മൃതിയെ വരിച്ചോ എന്നെ സ്നേഹിച്ചതാൽ

  3 മഹത്വനായകൻ ദാഹിക്കുന്നവനായ് 
  ദുഷ്ടമർത്യൻ നിന്ദിക്കുന്നവനായ് 
  എന്റെ ദൈവമേ എന്റെ ദൈവമേ 
  എന്നെ കൈവിട്ടതെന്തെന്നലറുകയോ!

  4 പതിനായിരത്തിൽ ശ്രേഷ്ഠനെൻ നാഥൻ
  മൃതിയെവെന്നവനുന്നതനെന്നും
  അതിസുന്ദരൻ ബഹുവന്ദിതൻ
  സ്തുതിഗീതങ്ങൾ നൽകുവാൻ യോഗ്യനവൻ