Song

• Malayalam

  കാക്കും സതതവും പരമനെന്നെ തൻ

  തിരുചിറകുള്ളിലൻപായ്കാക്കും സതതവും പരമനെന്നെ

  ശത്രുവിൽ നിന്നുമാത്മ മൃത്യുവിൽ നിന്നും നീക്കി

  സത്യമായ് പാലിച്ചു തൻനിത്യപദത്തിലെന്നെ

   

  ഘോരവൈരിയിൻ പാശമാകെയറുത്തു മമ

  ജീവനെവിടുവിച്ച പ്രാണനാഥന്റെ തിരു

  മേനിയോടണഞ്ഞെല്ലാകാലവും വസിപ്പതി

  ന്നായെന്നടിമ നുകമാകെയകറ്റിയെന്നെ

   

  ശത്രു പാഞ്ഞടുക്കുമ്പോൾ മിത്രമായ് നിന്നുകൊണ്ട്

  ശത്രുവിനെ ജയിപ്പാൻ വിദ്രുത വരം നൽകി

  കഷ്ടത പെരുകുമ്പോൾ ദൃഷ്ടിയിനാൽ നടത്തി

  ശിഷ്ടരോടണച്ചു സന്തുഷ്ടിപ്പെടുത്തിയെന്നെ

   

  സത്യമാമരക്കെട്ടും നീതിയാം കവചവും

  വിശ്വാസപ്പരിചയും രക്ഷയിൻ ശിരസ്ത്രവും

  പാദരക്ഷയായ് സുവിശേഷയത്നവുംപര

  മാത്മാവിൻ വചനമാം വാളും ധരിപ്പിച്ചെന്നെ

   

  സ്നേഹം സന്തോഷം സമാധാനം വിശുദ്ധി നീതി

  ദീർഘക്ഷമ വിനയമിന്ദ്രിയജയം തൃപ്തി

  ആദിയാം ആത്മാവിൻ ഫലങ്ങൾ നിറച്ചും അനു

  വാസരം ഹൃദിയിങ്കൽ മോദവുമേകിയെന്നെ

   

  ക്ഷാമം പെരുകിയെന്നിൽ ക്ഷേമം ഇല്ലാതെയാകിൽ

  ആമോദത്തോടു സാരെഫാത്തിൽ കടത്തുമവൻ

  ദേശം വരണ്ടു നീരശേഷം വറ്റിപ്പോകുമ്പോൾ

  ക്ലേശമകറ്റി കെരീതിങ്കലിരുത്തിയെന്നെ

   

  അത്തിവൃക്ഷത്തിൻ ഫലമൊട്ടുമില്ലാതെയായി

  മുന്തിരിവള്ളിയുടെ യത്നവും നിഷ്ഫലമായ്

  ഗോശാല ശൂന്യമായി പോകുന്ന സമയത്തും

  ആശയോടെന്നും തിരുനാമം പുകഴ്ത്തിടുവെൻ

   

  ഇത്രമാത്രവുമല്ല നിൻകൃപയൊന്നിനാൽ ഞാൻ

  പത്രങ്ങൾ തളിർത്തുള്ളോരുത്തമ വൃക്ഷംപോലെ

  പുഷ്ടിയായ് കഷ്ടത്തിലും നഷ്ടത്തിലുമൊരുപോൽ

  ഇഷ്ടലോകത്തെ നോക്കി ശ്രേഷ്ഠ തേജസ്സിൽ വാഴാൻ.

• English

  Kaakkum sathathavum paramanenne-than
  Thiruchirakullilanpaay
  Shathruvil ninnumaathma mruthyuvil ninnu neekki
  Sathyamaay paalichu thn nithyapadathilenne-

  Ghoravairiyin paashamaake-yaruthu mama
  Jeevane viduvicha praananaadhante thiru-
  Meniyodananjellaa kaalavum vasippathi-
  Nnaayennadima nukamaake akattiyenne-
   
   Shathru paanj adukkumbol mithramaay ninnukonde
  Shathruvine jayippaan vidrutham varam nalki
  Kashtatha perukumbol drushtiyinaal nadathi
  Shishtarodanachu santhushtippeduthi enne
   
   Sathyamaa-marakkettum neethiyaam kavachavum
  Vishwaasa parichayum rakshayin shirastravum
  Paada rakshayaay suvishesha yatnavum- para
  Maathmaavin vachanamaam vaalum dharippichenne-
   
  Sneham santhosham samaadhaanam vishudhi neethi
  Deergha kshama vinayamindriya jayam thrupthi
  Aadiyaam aathmaavin phalangal nirachu manu-
  Vaasaram hrudiyinkal modavumekiyenne-
   
  Kshaamam perukiyennil kshemam illaatheyaakil
  Aamodathodu saaraphaathil kadathumavan
  Desham varandu neerashesham vattipokumbol
  Kleshamakatti kereethinkaliruthiyenne-
   
  Athivrukshathin phalamottumillatheyaayi
  Mundirivalliyude yathnavum nishpalamaay
  Goshaala shoonyamaayi pokunna samayathum
  Aashayodennum thirunaamam pukazhtheeduven-
   
   Ithra maathravumalla ninkrupa-yonninaal njaan
  Pathrangal thalirthulloruthama vruksham pole
  Pushtiyaay kashtathilum nashtathilumorupole
  Ishtalokathe nokki shreshta thejassil vaazhaan-