Song

• Malayalam

  ഓടിവാ കൃപയാം നദിയരികിൽ നിന്റെ മലിനത നീക്കാൻ
  പാപി ഓടിവാ കൃപയാം നദിയരികിൽ

  1 തേടി നിന്നെ കാണ്മാനേറ്റം വാടിവഴന്നവനുള്ളം
  ഓടിവന്നു പാടുകളങ്ങേറ്റു കുരിശിൽ
  നേടി നിന്റെ രക്ഷ യേശു മോടിയോടുയിർത്തു പിതാ-
  വോടിരുന്നു മദ്ധ്യസ്ഥനായ് കേണപേക്ഷിക്കുന്നു വേഗം;- ഓടി...

  2 അശുദ്ധികളൊഴിച്ചു നിൻ അകൃത്യങ്ങളകറ്റിടാൻ
  വിശുദ്ധിയിന്നുറവയെത്തുറന്ന മാർവ്വിൽ
  കുളിച്ചു നീയനുദിനം  വെളുപ്പിച്ചങ്കിയെപ്പിന്നെ 
  കുടിച്ചീടിൽ തടിച്ചു നീ വിശുദ്ധനായ് വളർന്നിടും;- ഓടി...

  3 പരിശുദ്ധാത്മാവു നിന്റെ മരണാവസ്ഥയെ കണ്ടു
  കരളലിഞ്ഞരികിൽ വന്നെടുത്തു നിന്നെ
  തിരുജീവൻ ഊതി നിന്നിൽ മറുരൂപമാക്കി നിന്നെ
  തിരുസ്നാനം നൽകിയവൻ പരിശുദ്ധനായ് നടത്തും;- ഓടി...

  4 സത്യമാം തിരുവചനം ശുദ്ധിവരുത്തിടും നിന്നെ
  ശുദ്ധിയിൻ വഴിയതിൽ നടത്തും വചനം 
  നിത്യം നിന്റെ പാദങ്ങൾക്കു സത്യവെളിച്ചം തന്നിട്ടു
  ശുദ്ധതയിൻ ശുദ്ധസ്ഥലത്തെത്തുവോളം തുണച്ചിടും;- ഓടി...

  5 ശുദ്ധിയിന്നലങ്കാരത്തിൽ ശുദ്ധിമാന്മാരേ സ്തുതിപ്പിൻ
  ശുദ്ധതയിൽ വസിക്കും യഹോവയെ നിങ്ങൾ
  നിത്യം നിത്യം വളർന്നു നാം ശുദ്ധതയിൽ മുതിർന്നു പാ-
  പത്തെ നശിപ്പിച്ചീടുകിൽ ക്രിസ്തുവിൽ ജീവിച്ചിടും നാം;- ഓടി...

• English

  oodivaa krupayaam nadiyarikil ninte malinatha neekkan
  paapi oodivaa krupayaam nadiyarikil

  1 thedi ninne kanmanetam vadivazhanna’vanullam
  odivannu paadukalangetu kurishil
  nedi ninte raksha yeshu modiyoduyirthu pithaa-
  vodirunnu maddhyasthhanaay kenapekshikkunnu vegam;-

  2 ashuddhikalozhichu nin akrithyangalakatidaan
  vishuddhiyinnuravayethuranna marvvil
  kulichu neeyanudinam veluppichangkiyeppinne
  kudichedil thadichu nee vishuddhanaay valarnnidum;-

  3 parishuddhaathmaavu ninte maranaavashaye kandu
  karalalinjarikil vanneduthu nine
  thirujeevan oothi ninnil marurupamaakki nine
  thirusnanam nalkiyavan parishuddhanaay nadathum;-

  4 sathyamam thiruvachanam shuddhivaruthidum nine
  shuddhiyin vazhiyathil nadathum vachanam
  nithyam ninte padangalkku sathya velicham thannittu
  shuddhathayin shuddha sthhalathethuvolam thunachidum;-

  5 shuddhiyinnalangkaarathil shuddhimanmare sthuthippin
  shuddhathayil vasikkum yahovaye ningal
  nithyam nithyam valarnnu naam shuddhathayil muthirnnu paa-
  pathe nashippichedukil kristhuvil jeevichidum naam;-