Song

• Malayalam

  ദൈവം തന്റെ കുഞ്ഞുങ്ങൾക്ക് ഒരുക്കീട്ടുള്ളതു 
  ആരും കണ്ടിട്ടില്ല ആരും കേട്ടിട്ടില്ല
  ആരും ഒരിക്കലും നിനച്ചിട്ടില്ല

  1 പാപത്തിൻ ഇമ്പ മാർഗ്ഗത്തിലൂടെ ഞാൻ
  പാതാള യാത്ര ചെയ്കെ 
  പാരിതിൽ വന്നതാം പരമസുതൻ എൻ
  പാപങ്ങൾ മോചിച്ചല്ലോ(2);- ദൈവം...

  2 ഈ ലോക ജീവിതയാത്രയതിൽ വൻ
  ഭാരങ്ങളേറിടുമ്പോൾ
  ആശ്വാസമേകുവാൻ അരികിലുണ്ടെനിക്ക്
  നല്ലൊരു സഖിയായവൻ(2);- ദൈവം...

  3 സ്വർഗ്ഗീയനാടതിൻ വാസമതോർക്കുമ്പോൾ
  എന്നുള്ളം നിറഞ്ഞിടുന്നേ
  എന്നിരുൾ മാറിടും എന്നഴൽ നീങ്ങിടും
  എൻ വീട്ടിൽ എത്തീടുമേ(2);- ദൈവം...