Song

• Malayalam

  എൻപ്രിയാ നിന്നെ ഞാൻ എന്നു കാണും
  പൊൻമുഖം ഞാനെന്നു കാണും
  വാനിൽ വന്നന്തികേ എന്നു ചേർക്കും
  വൻ വിനകൾ എന്നു തീരും

  1 മന്ദിരം നീ തീർത്തു വേഗം വന്നു ചാരേ 
  ചേർക്കുമെന്ന ആശയിൽ ഞാൻ പാർത്തിടുന്നു
  എന്നു നീ വന്നിടും യേശു നാഥാ
  നിൻമുഖം ഞാനെന്നു കാണും

  2 വീഞ്ഞു വീട്ടിൽ കൊണ്ടു വന്ന എന്റെ പ്രിയൻ
  എന്നുമെൻ ഞാനവന്റേതെന്നുമെന്നും
  ലോകത്തിൻ മോഹങ്ങൾ വേണ്ട തെല്ലും
  ജീവിതേശാ! നീ മതിയേ

  3 ദണ്ഡനങ്ങളേറെയേറ്റു ചോര ചിന്തി 
  ജീവനേകി സ്നേഹിച്ചല്ലോ വൻ കൃപയാൽ
  മന്നിതിൽ ജീവിക്കും കാലമെല്ലാം
  നിന്നെ മാത്രം സേവിക്കും ഞാൻ

  4 ലോകം വേണ്ടാ സ്ഥാനമാനം ഒന്നും വേണ്ട 
  നിൻജനത്തിൻ കഷ്ടം മാത്രം എൻ പ്രമോദം
  നിൻമഹാ പ്രേമത്തിൻ തീയണയ്ക്കാൻ
  മന്നിലില്ല വൻ പ്രളയം

  5 സ്വർഗ്ഗനാട്ടിൽ വന്നിടുമ്പോൾ എൻ ഹൃദയം 
  ആർത്തിയോടെ ചുറ്റും നോക്കും നിന്നെക്കാണ്മാൻ
  പാടെഴും കാൽകരം കണ്ടിടുമ്പോൾ
  വീണിടും ഞാൻ നിന്റെ മുമ്പിൽ

  യേശു എൻ ഉള്ളത്തിൽ- എന്ന രീതി