Song

• Malayalam

  1 യാഹ്വെ സ്തുതിപ്പിനവൻ ശുദ്ധമാം മന്ദിരത്തിൽ 
  ആഹ്വാനം ചെയ്തു നുതി ഘോഷിപ്പിൻ 
  വൈഹായസ വിതാന ഭംഗി പരിഗണിച്ചു 
  മഹേശ്വര സ്തുതികൾ ചെയ്തിടിൻ;-

  2 തുല്യമില്ലാത്ത തന്റെ വീര്യപ്രവൃത്തി വാഴ്ത്തി 
  ഭൂലോകമെങ്ങും പൊടി പാറിടിൻ 
  കല്ലോലമാലിയോടു സോല്ലാസമിബ്ഭുവനം 
  തുള്ളിക്കളിച്ചിടുമാറെന്നാളും;-

  3 നിസ്സീമമായ തന്റെ തേജസ്സിനൊത്തവണ്ണം 
  സൽസേവിതന്നു നുതി പാടിടിൻ 
  സുശ്രാവ്യമായ വെള്ളിക്കാഹളധ്വനിയോടു 
  ശാശ്വതനായകനെ വന്ദിപ്പിൻ;-

  4 പൊൻമയമായ വീണക്കമ്പികൾ മീട്ടി യാഹിൻ 
  കർമ്മമഹിമയെങ്ങും ഘോഷിപ്പിൻ 
  നിർമ്മലഭക്തിയോടു തന്നെ വണങ്ങിടുവിൻ 
  ധർമ്മസ്വരൂപഭംഗി കാണിപ്പിൻ;-

  5 സത്യേശ്വരന്നു മുമ്പിൽ നൃത്തം തുടങ്ങിടുവിൻ 
  തപ്പോടു കിന്നരങ്ങൾ വായിപ്പിൻ 
  കൈത്താളനാദമഭ്രേ ശക്ത്യാമുഴങ്ങിടട്ടെ 
  സാത്താൻ നടുങ്ങിടട്ടെ ഹോശന്നാ;-

  6 സർവ്വേശ്വരന്റെ കൃപയുർവ്യാമനുഭവിക്കും 
  ഗർവ്വമകന്ന ജീവി സംഘാതം 
  സർവ്വമവന്നു ജയം പാടട്ടെ ഹല്ലെലുയ്യാ 
  ദുർവ്വാരഘോഷമുയർന്നിടട്ടെ;-

• English

  1 yahve sthuthippinavan shudhamam mandirathil
  aahvanam cheythu nuthi ghoshippin
  vaihaya’savithana’bhamgi pariganichu
  maheshvara sthuthikal cheythedin;-

  2 thullyam illatha thante verya’pravrthi vazhthi
  bholokam’engngum podi pareedin
  kallola’maaliyodu sollasa’meebhuvanam
  thulli’kkali’chidu’maarennalum;-

  3 nissemamaya thante thejasinotha’vannam
  salsevithannu sthuthi padeeduven
  sushravya’maya vellikkahala’dhvaniyodu
  shashvatha’nayakane vandhippin;-

  4 ponmayamaaya veena’kkampikal metti yahin
  karma’mahimay’engum ghoshippin
  nirmala’bhakthiyodu’thanne vangiduvin
  dharmasvaropa’bhamgi kanippin;-

  5 sathyeshvaranu munpil nritham thudangiduvin
  thappodu kinnarangal vayippin
  kaiththala’nadamabhre shakthya muzhangidatte
  sathan nadungidatte hoshanna;-

  6 sarveshvarante krupa-yurvyam anubhavikkum
  gharvamakanna jeevi’samghatham
  sarvamavannu jayam padatte halleluyya-
  durvara’ghoshamuyarnnedatte;-