Song

• Malayalam

  അബ്രഹാം എന്നൊരു വൃദ്ധൻ
  യിസ്ഹാക് എന്നൊരു ബാലൻ
  അവരപ്പനും മകനും യാഗം-കഴിപ്പാൻ പുറപ്പെട്ടീടുന്നു
  ആരുമാരുമറിഞ്ഞില്ലസാറായുമറിഞ്ഞില്ല
  അവരപ്പനും മകനും യാഗം കഴിപ്പാൻ പുറപ്പെട്ടീടുന്നു(2)

  1 വയസ്സകാലത്തുണ്ടായൊരു മകനാണിസ്ഹാക്ക്
  അവൻ സന്തതി പെരുകീടും എന്നൊരു വാഗ്ദത്തവുമുണ്ടു
  എങ്കിലും അവനെ യാഗം കഴിപ്പാൻ ദൈവം കല്പിച്ചു
  ഇതെന്തൊരു കഥയാണെന്ന്
  അബ്രഹാം ചോദിച്ചതുമില്ല;- അബ്രഹാം…

  2 വിറകും തോളിൽ വഹിച്ചു-കുമാരൻ മലമുകളേറുന്നു
  പിതാവിനോടൊരു ചോദ്യം- അപ്പാ! യാഗമൃഗമെവിടെ
  മകനേ! ദൈവം കരുതിക്കൊള്ളം പിതാവുരയ്ക്കുന്നു
  പിന്നീടൊന്നും ചോദിച്ചില്ല മലമുകളേറുന്നു;- അബ്രഹാ...

  3 കല്ലുകൾകൊണ്ടാരു ബലിപീഠം അതിൽ വിറകുമടുക്കിയഹോ
  തൻ മകനോടബ്രഹാം ഉടനേ ആജ്ഞാപിക്കുന്നു
  കയറുക ! ബലിപീഠത്തിൽ യിസ്ഹാക് അനുസരിക്കുന്നു
  കരചരണങ്ങൾ ബന്ധിക്കുന്നു കത്തി ഉയർത്തുന്നു
  അപ്പൻ മകനേ യാഗം കഴിപ്പാൻ കത്തിയുയർത്തുന്നു;- അബ്രഹാ…

  4 പെട്ടെന്നവിടൊരുശബ്ദം “മകനോടൊന്നും ചെയ്യരുത്”
  നീ ദൈവഭയമുള്ളവനെന്ന് ഇപ്പോൾ ഞാനറിയുന്നെല്ലോ അവിടെയൊരാട്ടിൻ കുട്ടിയെ അബ്രഹാം കാണുന്നുണ്ടെല്ലോ
  തൻ മകനിസഹാക്കിൻ പേർക്കതിനെ
  യാഗം കഴിക്കുന്നു, അവരപ്പനും മകനും
  സന്തോഷത്താൽ മടങ്ങിപ്പോരുന്നു(2);- അബ്രഹാം...