Song

• Malayalam

  യഹോവ എന്റെ ഇടയൻ
  പാലിക്കുന്നവനെന്നെ ദിനവും
  എന്റെ ആയുസ്സിൻ നാളെല്ലാം
  അങ്ങെ പാടി സ്തുതിച്ചിടും ഞാൻ

  1 പച്ചപ്പുൽപ്പുറത്തെന്നെ കിടത്തുന്നവൻ
  നിശ്ചല ജലമെന്നെ കുടിപ്പിക്കുന്നു
  എൻ പ്രാണനെ അവൻ തണുപ്പിക്കുന്നു
  നീതിയിൻ പാതയിൽ നടത്തുന്നെന്നെ;- യഹോവ...

  2 കൂരിരുൾ താഴ്വരയിൽ ഞാൻ നടന്നാലും
  ഭവിക്കില്ല യാതൊരു അനർത്ഥങ്ങളും
  തൻ ശക്തി എന്മേൽ പകർന്നീടുവാൻ
  ഉന്നതൻ എന്നോടു കൂടെയുണ്ടല്ലൊ;- യഹോവ...

  3 ശത്രുക്കൾ കാൺകെ വിരുന്നൊരുക്കുന്നു
  എൻ തലയെ അഭിഷേകം ചെയ്യും
  എൻ പാനപാത്രവും നിറയ്ക്കുന്നവൻ
  ദീർഘകാലം വസിക്കും നിന്നാലയം തന്നിൽ;- യഹോവ...