Ie marthyamathe amarathvamathe lyrics

1 ഈ മർത്യമത് അമരത്വമത്
ധരിച്ചീടുമതിവേഗത്തിൽ
കാന്തൻ രൂപം ധരിക്കും നാം വേഗം
പ്രാണപ്രീയനോടൊത്തു നാം വാഴും
നൊടി നേരമതിൽ തീരും ക്ലേശമെല്ലാം;
നിത്യ തേജസ്സിൽ നാം ലയിക്കും(2)

2 ഈ മൺകൂടാരം അഴിയും ഒരു നാൾ
സ്വർഗ്ഗീയ പാർപ്പിടം ധരിക്കും
കർത്തൻ തേജസ്സിൽ വെളിപ്പെടും ദിനത്തിൽ
തേജോരൂപത്തിൻ പ്രതിബിംബമായി
നീങ്ങും മൂടുപടം മുഖം തേജസ്സിനാൽ;
കാന്തൻ രൂപമതായ് മാറിടും(2)

3 ദ്രവത്വം വിതയ്ക്കും അദ്രവത്വം കൊയ്യും
പ്രാകൃതം ആത്മാവിൽ ഉയിർക്കും
സൂര്യ ചന്ദ്രന്മാർ തേജസ്സിൽ ഭേദം
അതുപോലവർ തങ്ങൾ തൻ നിരയിൽ
പ്രതിഫലം വാങ്ങിടും തങ്കത്തെരുവീഥിയിൽ;
കർത്തൻ മാർവ്വിടത്തിൽ ചാരിടും(2)

4 മരണം നീങ്ങിടും ജയം വന്നീടും നാൾ
മുഴങ്ങും ജയ ഘോഷം വാനിൽ
ഹേ! മരണമേ നിൻ ജയമെവിടെ?
നിന്റെ വിഷമുള്ളിൻ ശക്തിയുമെവിടെ?
ദൈവ കുഞ്ഞാടവൻ തകർത്തു ക്രൂശിന്മേൽ;
നിന്റെ വാഴ്ചകളെ നിത്യമായ്(2)