Song

• Malayalam

  കരുണാസനപ്പതിയ-ദേവദാസരിൻ നിധിയേ
  വരികാശിഷം തരുവാൻ-നിന്റെ ദാസരിൻ നടുവിൽ

  തിരുസന്നിധി സദാ-പരമാലങ്കാരമേ

  1 തിരുനാമത്തിലിരുവർ മൂവർ ചേരുന്ന സഭയിൽ
  വരുമെന്ന നിൻ മൊഴിയെ ഞങ്ങൾ ആശ്രയിച്ചിവിടെ
  ഇരിക്കുന്നു രക്ഷകാ! വരികാത്മദായകാ;-

  2 പരിശുദ്ധ സന്നിധിയിൽ-ബോധവാഴ്വായ് തരിക
  പരിചോടടിയാരിപ്പോൾ-ഭയ ഭക്തിയോടിരിപ്പാൻ
  പരമാവി ഞങ്ങളെ ഭരണം ചെയ്യേണമേ;-

  3 പരമാമൃതമൊഴിയിൻ-മർമ്മമിന്നറിവതിനും
  പരമാവിയിൻ നിറവെ-വീണ്ടും പ്രാപിക്കുന്നതിനും
  വരമേകുക പരാ! അടിയാർക്കിന്നംബരാ;- 

  4 സുരലോകമായതിലെ-ആത്മീയാശിസ്സുകളെല്ലാം
  പരിപൂർണ്ണമായ് നിറഞ്ഞു-നിന്നിൽ മേവിടുന്നതിനാൽ
  ചൊരിക വന്മാരിപോൽ-എളിയ നിൻ ദാസർ മേൽ;-

  5 ബലഹീനരാമടിയാർ-ബഹു മന്ദത മയക്കം
  പല വീഴ്ചകൾ ഭവിച്ചു-ജീവൻ താണു പോയതിനാൽ
  വിലയേറും രക്തത്താൽ-നില മാറ്റി കാക്കുവാൻ;-