Song

• Malayalam

  യേശുവേ നീയെനിക്കായ് ഇത്രയേറെ സ്നേഹമേകാൻ
  അടിയനിൽ യോഗ്യതയായ് എന്തു കണ്ടു നീ
  സ്നേഹമേ നിൻ ഹൃദയം ക്ഷമയുടെ സാഗരമോ
  നന്മകൾക്കു നന്ദിയേകാൻ എന്തു ചെയ്യും ഞാൻ

  1 മനഃസുഖമെങ്ങുപോയി എനിക്കല്ല ശാന്തിതെല്ലും
  നിമിഷസുഖം നുകരാൻ കരളിനു ദാഹമെന്നും
  കദനങ്ങളേറും നേരം തിരഞ്ഞില്ല നിന്നെ നാഥാ
  പകയുടെ തീക്കനലായ് മുറിവുകളേറിയെന്നിൽ
  ഈശോ പറയൂ നീ ഞാൻ യോഗ്യനോ;- യേശുവേ..

  2 നിരന്തരമെൻ കഴിവിൽ അഹങ്കരിച്ചാശ്രയിച്ചു
  പലരുടെ സന്മനസ്സാൽ ഉയർന്നതും ഞാൻ മറന്നു
  അടച്ചൊരു കോട്ടപോലായ് ഹൃദയത്തിൻ വാതിലെന്നും
  എളിയവർ വന്നിടുമ്പോൾ തിരക്കിന്റെ ഭാവമെന്നും
  ഈശോ പറയൂ നീ ഞാൻ യോഗ്യനോ;- യേശുവേ..