Song

• Malayalam

  തിരുകൃപതന്നു നടത്തണമെന്നെ

  തിരുഹിതം പോലെയെൻ നാഥാ!

   

  ബഹുവിധമെതിരുകൾ വളരുമീനാളിൽ

  ബലഹീനനാം ഞാൻ തളർന്നുപോകാതെ

  ബലമെഴും കരത്താൽ താങ്ങണമെന്നെ

  ബഹുലമാം കൃപയാൽ നടത്തണം നാഥാ!

   

  മരുതലമേകും ദുരിതങ്ങളഖിലവും

  മകുടങ്ങളാണെന്നെണ്ണി ഞാൻ വസിപ്പാൻ

  തിരുകൃപയെന്നിൽ പകരണമനിശം

  തിരുമൊഴി കേട്ടു ഞാൻ വളരുവാൻ നാഥാ!

   

  പഴയ മനുഷ്യനെ ഉരിഞ്ഞു ഞാൻ കളഞ്ഞ്

  പുതിയ മനുഷ്യനെ ഉള്ളിൽ ഞാനണിഞ്ഞെ

  ഉയിരുള്ളനാൾ വരെയും ഉലകിൽ നിൻ വഴിയിൽ

  ഉണ്മയായ് നടപ്പാൻ ബലം തരൂ നാഥാ!

   

  നിൻനാമം എന്നിൽ മഹിമപ്പെടേണം

  നിൻസ്നേഹമെന്നിൽ നിറഞ്ഞു വരേണം

  നീയെന്നിൽ വളർന്നും ഞാനെന്നിൽ കുറഞ്ഞും

  നിന്നിൽ ഞാൻ മറഞ്ഞു മായണം നാഥാ!

• English

  Thirukrupa thannu nadathanamenne
  Thiruhitham poleyen naadhaa!

  Bahuvidham ethirukal valarumeenaalil
  Balaheenanaam njaan thalarnnu pokaathe
  Balamezhum karathaal thaanganamenne
  Bahulamaam krupayaal nadathanam naadhaa!-
   
  Maruthalamekum durithangal akhilavum
  Makudangalaanenn enni njaan vasippaan
  Thirukurpayennil pakaranamanisham
  Thirumozhikettu njaan valaruvaan naadhaa!
   
  Pazhaya manushyane urinju njaan kalanje
  Puthiya manushyane ullil njaananinje
  Uyirulla naalvareyum ulakil ninvazhiyil
  Unmayaay nadappaan balam tharu naadhaa!-
   
  Nin naamam ennil mahimappedenam
  Nin snehamennil niranju varenam
  Neeyennil valarnnum njaanennil kuranjum
  Ninnil njaan maranju maayanam naadhaa!-