Song

• Malayalam

  ഉയരുന്നെൻ ഉള്ളിൽ സ്തോത്രത്തിൻ ഗാനം
  പകരുന്നെൻ നാഥൻ കൃപയിൻ വൻ ദാനം
  പാപങ്ങളെല്ലാം പോക്കുന്നു താതൻ
  വേദനയെല്ലാം നീക്കുമെൻ നാഥൻ

  1 പാടിടും ഞാൻ എന്നും തവഗാനം
  ഘോഷിക്കും ഞാൻ എന്നും തൻ നാമം
  പകരുകെന്നുള്ളിൽ പാവനമാം ശക്തി
  ചൊരിയുവാൻ പാരിൽ സ്നേഹത്തിൻ കാന്തി;-

  2 സ്തുതികൾക്കു യോഗ്യൻ നാഥാ നീ മാത്രം
  സ്തുതിയെൻ നാവിൽ നിന്നുയരട്ടെ എന്നും
  താതാ നിൻ സാക്ഷ്യം പാരെങ്ങും പകരാൻ
  തരിക നിൻ ശക്തി നിന്നെപ്പോലാവാൻ;-

  3 കൂപ്പുന്നെൻ കൈകൾനാഥാ നിൻ മുന്നിൽ
  ഉയർത്തുന്നെൻ കൺകൾ തുണയരുളും ഗിരിയിൽ
  പരനെ നിൻ വകയായ് തരുന്നെന്നെ മുഴുവൻ
  നടത്തെന്നെ ദിനവും തിരുവിഷ്ടം പോലെ;-