Song

• Malayalam

  1 നീ കൂടെ പാർക്കുക എൻയേശു രാജനേ! 
  നിൻ ദിവ്യപ്രതിമ എന്നിൽ തികയ്ക്കുകേ

  നീ കൂടെ പാർത്തിടേണം നിത്യം കാത്തിടേണം
  എപ്പോഴും നിറയ്ക്കേണം നിൻ ആത്മാവാൽ

  2 നീ കൂടെ പാർക്കുക സാത്താൻ പരീക്ഷിക്കിൽ 
  ഒരാപത്തും ഇല്ലാ നിൻ സന്നിധാനത്തിൽ

  3 നീ കൂടെ പാർക്കുക ഈ ലോകമദ്ധ്യത്തിൽ 
  നീ പ്രാപ്തൻ രക്ഷകാ കാപ്പാൻ നിൻ സത്യത്തിൽ

  4 നീ കൂടെ പാർക്കുക എന്നാൽ കഷട്ത്തിലും 
  ഞാൻ ക്ഷീണത വിനാ നിൻ സ്നേഹം പുകഴ്ത്തും

  5 നീ കൂടെ പാർക്കുക വിശ്വാസസാക്ഷിക്കായ് 
  എപ്പോഴും ധൈര്യം താതാ ജ്ഞാനത്തിന്റെ വായ്

  6 നീ കൂടെ പാർക്കുക എന്നിൽ ഒരറിവും 
  ഇല്ല നിന്നിലല്ലാതില്ലൊരു കഴിവും

  7 നീ കൂടെ പാർക്കുക വിട്ടാലും ഏവരും 
  നീ എന്നെ കൈവിടാതെന്നേക്കും സ്നേഹിക്കും

  8 നീ കൂടെ പാർക്കുക വന്നാലും മരണം 
  എൻജീവനായക! നീ അന്നും ശരണം