En dukha velakal aanadhamakkuvan lyrics

1 എൻ ദു:ഖ വേളകൾ ആനന്ദമാക്കുവാൻ  നാഥൻ കഷ്ടം സഹിച്ചു
മനമേ നീ കലങ്ങുന്നതെന്തിനായ്‌  നാഥൻ ജീവിക്കുമ്പോൾ
അവൻ കരുതും നൽ കരുതൽ  ഇനി എന്തിനായ്‌ ആകുലങ്ങൾ

ഹാലേലുയ്യാ ഹാലേലുയ്യാ
ഹാലേലുയ്യാ ഹാലേലുയ്യാ(2)

2 കണ്ണുനീർ തൂകുമ്പോൾ മനസ്സലിയുന്നവൻ കണ്ണീരെല്ലാം തുടയ്ക്കും
ഏതു ഖേദവും തീർക്കും തൻ കരത്താൽ ആശയോടെ ഞാൻ കാത്തിരിക്കും
എന്നെ സ്നേഹിക്കും പ്രാണപ്രിയൻ എന്റെ പ്രാർത്ഥന കേട്ടീടുമേ (ഹാലേലുയ്യാ)

3 ജീവിതത്തിൽ കഷ്ടം ഏറെ സഹിക്കിലും എന്നെ കാണുന്നവൻ
എല്ലാ സ്ഥിതിക്കും ഭേദം വരുത്തുവാൻ വിശ്വസ്ഥനാണെൻ നാഥൻ
തന്റെ പ്രവർത്തികൾ നിറവേറുവാൻ സമ്പൂർണമായ്‌ ഏൽപ്പിക്കുന്നു (ഹാലേലുയ്യാ)

4 സത്യദൈവത്തിനായ്‌ നിൽക്കുമ്പോൾ തീച്ചൂള പ്രതികൂലമായീടിലും
എന്റെ ദൈവത്തിൻ മഹത്വം കാണുവാൻ ഒരുക്കി അതെന്നോർക്കുന്നു ഞാൻ
അഗ്നി നടുവിൽ ദൈവ പുത്രൻ എന്നെ കണ്മണി പോലെ കാക്കും (ഹാലേലുയ്യാ)