Enne veendedutha nathhanay lyrics

എന്നെ വീണ്ടെടുത്ത നാഥനായ് 
വീണ്ടും വന്നിടുമെൻ നാഥനായ് 
നന്ദിയോടുലകിൽ പാടും ഞാനെന്നെന്നും 
നല്ല നാഥനായ് കീർത്തനങ്ങൾ

1 പാപിയായിരുന്ന എൻ പേർക്കായ് 
പാടുകൾ ഏറ്റയെൻ നാഥനെ 
പാടിസ്തുതിക്കും ഞാൻ പാരിതിൽ പാർക്കും നാൾ 
പാവനൻ ആകുമെന്നേശുവെ;- എന്നെ…

2 ഇത്ര നൽരക്ഷകൻ മിത്രമായ് 
തീർന്നതാണെന്റെ സൗഭാഗ്യമേ 
പാത്രനാക്കിയെന്നെ സ്തോത്രം ചെയ്തിടുവാൻ 
മാത്രതോറുമായെൻ നാഥനു;- എന്നെ…

3 നിത്യനാം കർത്തനെ നോക്കി ഞാൻ 
നിത്യവും യാത്ര ചെയ്തിടുന്നു 
നിത്യരാജ്യമതിൽ എത്തി വാഴുവാനായ് 
വാഞ്ചയോടെ ഞാനോടിടുന്നു;- എന്നെ…

4 ഉത്തമനാകുമെന്നേശുവിൽ ചാരി ഞാൻ 
പോയിടുമിദ്ധരെ പുത്തനാം ശാലേമിൽ 
എത്തി ഞാൻ മുത്തുമേ 
അല്ലലെല്ലാമന്നു തീരുമെ;- എന്നെ…

എന്റെ സങ്കേതവും ബലവും- എന്ന രീതി