Ente priyan yeshurajan vanniduvan lyrics

എന്റെ പ്രിയൻ യേശുരാജൻ വന്നിടുവാൻ കാലമായ് 
പ്രിയൻ മുഖം കണ്ടിടുവാൻ ആനന്ദിപ്പാൻ നേരമായ് 

യാത്ര തീരാൻ വീട്ടിലെത്താൻ വിശ്രമിപ്പാൻ കാലമായ് 
കണ്ണീരെല്ലാം തോർന്നിടുവാൻ ആശ്വസിപ്പാൻ നേരമായ് 

കഷ്ടതകൾ വേദനകൾ മാറിടുവാൻ കാലമായ് 
ദുഃഖമെല്ലാം തീർന്നിടുവാൻ ആനന്ദിപ്പാൻ നേരമായ് 

ലോകവാഴ്ച ദുർഭരണം അസ്തമിപ്പാൻ കാലമായ് 
ദൈവരാജ്യം സൽഭരണം ആരംഭിപ്പാൻ നേരമായ് 

വാനം ഭൂമി പണിയെല്ലാം അഴിഞ്ഞീടാൻ കാലമായ് 
നീതി സൂര്യൻ ശോഭയോടെ ഉദിച്ചിടാൻ നേരമായ് 

സ്വർഗ സീയോൻ പുരവാസം ആരംഭിപ്പാൻ കാലമായ് 
ആ സുദിനം നേരിൽ കണ്ട് ആസ്വദിപ്പാൻ നേരമായ് 

ഒരുങ്ങീടാം സോദരരേ നാഥൻ വരാൻ കാലമായ് 
നീതിയോടെ ശുദ്ധിയോടെ ഉണർന്നിടാൻ നേരമായ്