Bheethi vendini daiva paithale lyrics

ഭീതി വേണ്ടിനി ദൈവ പൈതലേ
നാളെയെ നിനച്ചു ഭാരം ഏറ്റിടേണ്ട നീ
നിന്റെ ദുഃഖ ഭാരമെല്ലാം ക്രൂശതിൽ  വഹിച്ചവൻ
നിന്നുയർച്ച താഴ്ചയെല്ലാം മുന്നമേ കുറിച്ച നിൻ

യേശു  നിന്റെ കൂടെയുള്ളതാൽ. . 
നിത്യവും ജയോത്സവം  കൊണ്ടാടിടാം

 1 കൊടുങ്കാറ്റെത്രയടിച്ചാലും 
തെല്ലും ഉലയല്ലേ  ഒരുനാളും 
പാവനാത്മാവിൻ  അഗ്നിയാൽ ആളും 
നിന്റെ  വിശ്വാസത്തിൻ  തിരിനാളം 

കാണാത്ത കാര്യങ്ങൾക്കുറപ്പും 
അതിൻ പൂർത്തിവരുത്തുന്നവനും 
യേശുവല്ലോ സർവ്വശക്തൻ 
നിന്നെ ആഴിപ്പരപ്പിലും  നടത്തും;- ഭീതി…

2 അലമാല ഏറിവന്നാലും 
തിര പടകിൽ  ആഞ്ഞടിച്ചാലും 
കടൽപ്പാറ  മേൽ തട്ടിയെന്നാലും 
തോണി തകരുകില്ലൊരു നാളും

അമരത്തായിതാ യേശു 
അവൻ നിൻ ജീവിതത്തിനത്താ ണി  
കൈയ്യിൽ സുരക്ഷിതമാണീ 
നിന്റെ വിശ്വാസ ജീവിതതോണി;-

3 നിന്റെ അഞ്ചപ്പവും രണ്ടു മീനും 
നാഥൻ കൈകളിൽ നീ ഏൽപ്പിച്ചീടിൽ 
കുട്ട പന്തീരണ്ടും കവിഞ്ഞീടും 
അതാൽ  അയ്യായി രത്തിനാം   സമൃദ്ധി 

ക്ഷാമത്തിലും  നിനക്കേകും
അവൻ മേൽത്തരമാകുമാഹാരം 
പോഷിപ്പിക്കും  നിന്നെയെന്നും
ജീവപാറയിൽ  നിന്നുള്ള തേനാൽ;- 

4 നിന്റെ കൂടാരത്തിൽ  സമാധാനം 
നൽകും സ്വർഗീയ താതൻ  നൽ ദാനം
നീ നിൻ അധ്വാനത്തിൻ  ഫലം കാണും  
തെല്ലും നഷ്ടങ്ങൾ കാണില്ല  താനും

ദൈവമകനെന്ന  പദവി 
അതാൽ  ഏശുകില്ല തെല്ലും തോൽവി
മാനിക്കും നന്മകൾ ഏകി-
ലോക  മാനവരേക്കാളും  ഉപരി;- ഭീതി…