Charayam kudikkaruthe dhanam lyrics

ചാരായം കുടിക്കരുതേ
ധനം നശിച്ചീടും മാനക്കേടു ഭവിച്ചിടും-
അതുകൊണ്ട് ചാരായം

1 ഉദ്യോഗസ്ഥനായാലും വിദ്വാനായിരുന്നാലും
ഗദ്യപദ്യ കൃതിക്കൊക്കെ ഗണ്യനായ് ഭവിച്ചാലും
മദ്യപാനം തുടങ്ങിയാൽ സമ്പാദ്യം നശിച്ചീടും
അതുകൊണ്ട്;- ചാരായം...

2 കുട്ടിക്കാലത്ത് കുഞ്ഞിനിട്ട വളയെന്നാലും
തട്ടിക്കൊണ്ടുപോയി-കിട്ടും വില വാങ്ങിച്ച്
പോട്ടെ പുല്ലെന്നും ചൊല്ലി മട്ടിതു തുടങ്ങിയാൽ-
കഷ്ട മാണതു കൊണ്ടു;- ചാരായം…

3 ഷാപ്പിൽ കേറിക്കുടിച്ചു-വേലി പിടിച്ചൊടിച്ചു
പോലീസുകാർ പിടിച്ചു സ്റ്റേഷനിൽ കൊണ്ടടച്ചു-
വേണ്ടുവോളം മുതുകത്തിട്ടിടിയ്ക്കുമെന്നത് കൊണ്ട്;- ചാരായം…

4 എത്ര നല്ല പണക്കാരിൽ-പലരുമീയുലകിൽ
എത്രവേഗം ദരിദ്രരായ് തീർന്നതു നീ ഓർക്കുകിൽ
മാത്രപോലും കുടിക്കാതെ കുരിശിൻ ചുവട്ടിൽ
സൂത്രമെല്ലാം കളഞ്ഞു നീ വരികയീ സമയം;- ചാരായം...