Impamodeshuvil therum anpode lyrics

1 ഇമ്പമോടേശുവിൽ തേറും അൻപോടെ സേവിക്കുമേ 
കൃപയിൽ ആത്മാവുറയ്ക്കും താപമോ ദൂരവേ 
ലഘുസങ്കടങ്ങൾ എണ്ണാ ലോകസുഖമോ ചണ്ടിയേ!
ചന്തമായോർ കിരീടമുണ്ടന്ത്യം ഇമ്പമോടേശുവിൽ തേറും

തേറും തേറും തേറും അന്ത്യത്തോളം 
ചന്തമായോർ കിരീടമുണ്ടന്ത്യം ഇമ്പമോടേശുവിൽ തേറും

2 ഇമ്പമോടേശുവിൽ തേറും തന്നാശ്രയം മാത്രമേ
ദേഹിക്കു നല്ലൊരാഹ്ളാദം സഹായം പൂർണ്ണമേ
തേജസ്സുള്ളോർ സന്തോഷമേ തേജസ്സിൻ വാഴ്ച സ്ഥാപിച്ചേ
ചന്തമായോർ കിരീടമുണ്ടന്ത്യം ഇമ്പമോടേശുവിൽ തേറും

3 ഇമ്പമോടേശുവിൽ തേറും അമ്പരപ്പൊട്ടുമില്ലേ 
കമ്പം കൂടാത്തോർ വിശ്വാസം നങ്കൂരം പോലുണ്ടേ
വിഷാദം ഏറെ പൊങ്ങുമേ വൈഷമ്യം നൊടി നേരമേ
ചന്തമായോർ കിരീടമുണ്ടന്ത്യം ഇമ്പമോടേശുവിൽ തേറും

4 ഇമ്പമോടേശുവിൽ തേറും അന്ത്യശ്വാസം പോം വരെ 
ശരീരം പുല്ലുപോൽ വാടും കാര്യമല്ലേതുമേ
കേടുള്ളോർ കൂടു വീഴ്കിലും നടുങ്ങിപ്പോകാതുണരും
ചന്തമായോർ കിരീടമുണ്ടന്ത്യം ഇമ്പമോടേശുവിൽ തേറും

തേറും = വിശ്വസിക്കും