Karuthunnavan enne karuthunnavan olangal lyrics

കരുതുന്നവൻ എന്നെ കരുതുന്നവൻ
ഓളങ്ങളേറുമീ ജീവിതസാഗരെ
കരം പിടിച്ചെന്നെ നയിക്കുന്നവൻ
എന്നെ കരുതുന്നവൻ

1 രാവും പകലും അകലാതരികിൽ
മേഘത്തിൻ തണലായ് അഗ്നിത്തൂണിൻ പ്രഭയായ്(2)
മരുഭൂയാത്രയിൽ സാന്ത്വനമേകി;-

2 സൈന്യത്താലുമല്ല ശക്തിയാലുമല്ല
ദൈവത്തിന്റെ ആത്മശക്തിയാലല്ലോ(2)
കൃപമേൽ കൃപ പകർന്നനുദിനമെന്നെ;-

3 ചോദിക്കുന്നതിലും നിനയ്ക്കുന്നതിലും പരം
അതിശയകരമായ് വഴിനടത്തുന്നവൻ(2)
ആപത്തിൽ രോഗത്തിൽ കൈവെടിയാതെ;-

4 യേശുവിൻ സ്നേഹത്തിൽ സഹജരെ കരുതാം
പരിപാലിയ്ക്കാം ദൈവസൃഷ്ടികളെയെല്ലാം(2)
ഇരുളിലും ശോഭിച്ചു കർത്താവിനെ സ്തുതിക്കാം;-