Snehamithascharyame oh athishayame lyrics

സ്നേഹമിതാശ്ചര്യമേ, ഓ അതിശയമേ, ഓ അതിശയമേ
ക്ഷോണിതലേ ഞാനെന്നും പാടുമേ ഈ ദിവ്യ സ്നേഹത്തെ (2)

1 ആഴമാരായവതിനാരറിവോ, ആയിരം നാവുണ്ടെന്നാലും
ഞാനിതു ചൊല്വതിനാമോ, ഏതുമൊരംശമുരച്ചീടുവാൻ
പാരിതിലാർക്കെളുതോ- ഓ-ഓ(2);- സ്നേഹ...

2 പാപികൾക്കായ് മനുവായുരുവായ്, പാപിയിൻ വേഷമെന്നാലും
പാപവിഷം കലരാതെ, ശാപമൊഴിപ്പതിന്നായ് കുരിശിൽ 
സ്നേഹയാഗമായിത്തീരുകയോ- ഓ-ഓ (2);- സ്നേഹ...

3 താതന്നോമന സൂനുവല്ലോ, പാതകനാമെനിക്കായോ
താതൻ കൈവെടിഞ്ഞോനായ്, പാതകൻപോൽ പരിതാപമയ്യോ
യാതന എല്ക്കുകയോ- ഓ-ഓ (2);- സ്നേഹ...

4 പൊൻനിണമെൻ വിലയായ് തരുവാൻ, നന്മയെന്തെന്നിൽ നീ കാണ്മാൻ
വിണ്ണെനിക്കായ്  തുറന്നേകാൻ, ഇമ്മാനുവേല നിൻപുത്രനോ
ഇമ്മഹാപാപിയിന്മേൽ ഓ-ഓ (2);- സ്നേഹ...

5 ദൈവകുഞ്ഞാടേ നിൻ സ്നേഹരസം, എന്നകമേ വഴിഞ്ഞോടാൻ
ഉന്നതനനേ സ്തുതിച്ചീടാൻ, മന്നിലെന്നും തവ സേവ ചെയ്വാൻ
എന്നെ നിറക്കണമേ ഓഓ (2);- സ്നേഹ...