m hun mesihi rhenchu peni jebsemm ghaam r jun lyrics

१. म हुँ मसीही, रहन्छु पनि जबसम्म घाम र जून डुब्दैन
म हुँ मसीही, दिन्छु गवाहि सब संसार ममा हाँसे पनि,
म हुँ मसीही, छाप ममा उनको, उनैको क्रूसमा रक्त बहाए
म हुँ मसीही, यो कस्तो खुशी उनले किने म उनको भएँ ।
२. म हुँ मसीही, कति अचम्म, म पापी थिएँ जो बचाइएँ
म हुँ मसीही, अगाड़ि क्रूस छ, उनैको पछि म हिँड़्नेछु
संघर्षलाई अरूले छोड़े, मचाहिँ दुष्टसित लड़्छु
मसीहको नामले सबै पापमाथि पूर्ण आत्मिक शान्तिले जय पाउँछु ।
३. म हुँ मसीही, यहाँको यात्री, यो दुनियाँ होइन घरै मेरो
यो यात्रा मेरो चाँड़ै सिद्धिन्छ दुःख र शोकदेखि अलग हुन्छ,
म हुँ मसीही, यो कस्तो आशा कि येशू फेरि आउनुहुन्छ
मानिस यहाँ हाँसोस्‌, यो कस्तो भेद छ, मलाई आफूसँगमा लानेछन्‌ ।
४. म हुँ मसीही, यो कस्तो गीत हो, जो मेरो मनमा आज उठ्यो
यो ठट्टा होइन तर यो साँचो, मनमा बस्छन्‌ आत्मा उनैको
म हुँ मसीही, किन डराऊँ जब मेरो समय यहाँ आइपुग्छ
गाउँदै यो दुनियाँलाई म छोड़्नेछु, येशू ख्रीष्ट मलाई लिनुहुन्छ ।