Song

• Malayalam

  ആവസിക്ക നീയെന്നും വിശുദ്ധ ആത്മാവേ
  നീ വസിക്ക ഈ സഭമേൽ കരുണയോടെന്നും
  നിന്നാത്മശക്തി ധരിച്ചു ഞങ്ങൾ നവ്യമായിന്ന്
  തീർന്നിടുവാൻ നിൻ കൃപകൾ നൽകിടേണമേ

  1 ഉണങ്ങിയോരസ്ഥിസമാനർ ഞങ്ങളീ ഭൂവിൽ
  മരുപ്പച്ചകൾ തേടി അലഞ്ഞീടുന്നു
  ഉണർവ്വിൻ കാറ്റായ് വീശുക നീ പരിശുദ്ധാത്മാവേ
  ഉയിരേകും മഴയായ് പെയ്തനുഗ്രഹിക്ക-നീ;-

  2 തകർന്ന മതിലുകൾ പോലെ ജീവിതങ്ങളും
  ആശയറ്റു തകരും മാനവ സ്വപ്നങ്ങളും
  എഴുന്നേറ്റു ഞങ്ങൾ പണിഞ്ഞിടുവാൻ ദൈവമേ
  ഏകുക ആത്മാവിൻ ശക്തിയായ് നീ മുറ്റും;-

  3 ഉയർന്നു പൊങ്ങിയ സിംഹാസനത്തിൻ ദർശനം
  ഞങ്ങളുള്ളിലേകിടേണം നീ ദൈവമേ
  അകൃത്യം നീക്കും കനലാൽ തൊട്ടു ശുദ്ധരാക്കി നീ
  അടിയാരെ സമാധാനത്തോടയച്ചിടേണമേ;-

  4 അനന്തസ്നേഹത്തിൻ വറ്റാത്ത നീരുറവ നീ
  ഒഴുകിടട്ടെ ഞങ്ങൾ ജീവജലത്തിൻ നദികളായ്
  ദാഹശമനമേകുവാനീ മാനവർക്കെല്ലാം
  നീ വസിക്ക ഈ സഭമേൽ പരിശുദ്ധാത്മാവേ;-